Lukas 8:16 - Kaili Ledo

¹⁶ “Ledo ria tona nombatunju poindo bo nitaungona ntonda bara nidikana ri tambe mpaturu. Tantu rabolina ri kalangana ala pura-pura topesua rabanua manggita karemena.

Lukas 8:16 Iomraidhean Croise

Lukas 11:33

“Ledo naria tona mombatunju poindo bo ratabuniakana ranggapeo bara rataungona ntonda. Natantu poindo haitu kana raboli ri kalangana ala pura-pura topesua rabanua manggita karemena.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Pompakita 11:4

Randua suro haitu nirapaka ronggayu kayu zaitun bo roangu kada mpoindo anu neangga ri ngayo nu Alatala, Tupu nu njumangu dunia.