Lukas 8:15 - Kaili Ledo

¹⁵ Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Lukas 8:15 Iomraidhean Croise

Matius 24:13

Tapi tona maroo mangoseaka Yaku sampe ri kaupuna, iramo rapakasalama.

Lukas 11:28

Tapi nesana i Yesus, “Nakana, tapi nabelopa tona nangepe tesa nu Alatala bo nioseakana.”

Lukas 6:45

Ivesia muni manusia. Tona nabelo, nabelo muni pokaingguna bo potesana, sabana pekiri rara ntaina nabelo. Bo tona nadaa, pokaingguna bo potesana muni nadaa sabana pekiri rara ntaina nadaa. Apa tesa nisovadakana nopuna lako ri pekiri rara ntaina.”

Lukas 8:14

Savua nanavu ranggarui, nirapaka tona nangepe Tesa nu Alatala bo niparasayana. Tapi ira aga nompekirika katuvura ri dunia, ira madota makalumana bo madota matuvu masana ri dunia. Pura-pura haitu nompakabago ira sampe ira ledo napola nangoseaka Tesa nu Alatala bo katuvura ledo naria gunana.

Lukas 8:16

“Ledo ria tona nombatunju poindo bo nitaungona ntonda bara nidikana ri tambe mpaturu. Tantu rabolina ri kalangana ala pura-pura topesua rabanua manggita karemena.

Yohanes 14:15

“Ane komiu nompotove Yaku, raoseakamiu parenta-parentaKu.

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

Roma 7:18

Nisaniku ledo ria anu nabelo riara ntaiku, apa yaku manusia nadosa. Yaku madota mokainggu mabelo, tapi ledo nipakuleku.

Roma 7:4

Sampesuvu-sampesuvu, ivesia muni ante kita. Bara ipia kita nipou nu Atura agama. Tapi kita namatemo nosanggani-nggani ante karo i Kristus, jadi kita domo nipou nu Atura-atura agama. Kuasa Atura-atura haitu domo nambela kita. Bo sii-sii kita najadi todea ntosaitoNamo, haitumo i Kristus anu natuvu mpanjili lako ri kamateNa ala katuvuta moguna ka Alatala.

Roma 8:25

Jadi ane kita nanjarumaka ratarimata anu dopa nitarimata, kita mosabara mantongoraka.

1 Korintus 7:19

Apa ledo ria gunana ane kita mangoseaka ada posuna bo ledo muni naria gunana ane kita ledo mangoseaka ada haitu. Anu noguna ntoto, haitumo, mangoseaka parenta-parenta nu Alatala.

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

Yakobus 1:4

Bo ane komiu bate-batena momparasaya sampe ri kaupuna, pomparasayamiu mpuu-mpuu majadi maroso bo ledo makura nuapa-nuapa.

1 Yohanes 2:3

Ane raoseakata parenta-parenta nu Alatala, haitumo tandana kita nosisani belo ante Ia.