Lukas 8:1 - Kaili Ledo

¹ Naupu sia, i Yesus hau nompebutu ngata nompatolele Kareba Belo, anu notesaki Poparenta nu Alatala. AnaguruNa sapulu randua hau nosanggani-nggani ante Ia,

Lukas 8:1 Iomraidhean Croise

Matius 11:1

Naupupa i Yesus nompatuduki anaguruNa sapulu randua, nalaimo Ia lako ri sia bo hau mompatuduki tona bo mompatolele Kareba Belo ri ngata-ngata napara sia.

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Matius 9:35

I Yesus hau nompesayoki ngata dea. Ia nompatuduki ri banua-banua petupu bo nompatolele kareba Poparenta nu Alatala. Bo nipakabeloNa tona nadua mpengaya-ngaya.

Markus 1:39

Jadi i Yesus hau nompatolele Kareba Belo ri banua-banua petupu ri njumangu ngata ri bagia Galilea. Bo Ia muni nompopalai seta-seta lako nte tona nipesua seta.

Lukas 1:80

Ana i Zakharia haitu, kasae-sae kambaso-mbaso karona bo kanoto-noto rarana. Nambasopa, haumo ia nonturo ranggarava bai, nantongoraka gantana ia mompamula mompatolele tesa nu Alatala ka toYahudi.

Lukas 20:1

Naria saeo i Yesus nompaguru bo nompatolele Kareba Belo ka todea ri doyata Banua nu Alatala. Sampesanika nakavamo balengga-balengga ntopanggeni pesomba, guru-guru agama bo totua-totua ntoYahudi

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Lukas 9:6

Naupu sia, hau ira nompebutu ngata mompatolele Kareba Belo, bo mompakabelo tona nadua ri umba-umba.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 13:32

Jadi sampesuvu-sampesuvu, sii-sii kami nakava mompatolele Kareba Belo hitu ka komiu. Anu nijanji nu Alatala ka totua-totuata nggaulu,

Roma 10:15

Bo berimba munimo tona mompatolele Kareba Belo ane dopa ria tona mombasuro ira manggeni kareba haitu? Riara Buku Gasa nitulisi ivei: <> Yesaya 52:7