Lukas 7:9 - Kaili Ledo

⁹ Nokumaa mpuu i Yesus nangepe tesa nu balengga ntantara haitu. Jadi neili Ia bo nangulika todea nangoseaka Ia, “Natantu mpuu pomparasaya ntona hitu! Nau todea toYahudi, muli i Israel, dopa ria nikavaKu pomparasayana naroso mpo pomparasaya ntona hitu.”

Lukas 7:9 Iomraidhean Croise

Matius 15:28

Naupu haitu nanguli i Yesus, “Ina, naroso mpuu pomparasayamu! Jadi, kajadimo anu niperapimu tutu!” Bo eva nisuka, tempo haitu muni nabelo mpanjilimo anana mombine haitu.

Matius 8:10

Nangepe tesana haitu, nokumaamo i Yesus, bo niuliNa ka todea anu nantuntuni Ia, “Natantu mpuu pomparasaya ntona hitu! Nau todea toYahudi, muli Israel, dopa ria nikavaKu pomparasaya ntona naroso eva pomparasaya ntona hitu!

Matius 9:33

Jadi tempo seta haitu nipopalai i Yesus lako nte ia, namalamo ia notesa. Nanggita kajadia haitu nokumaa mpuumo todea. Nanguli ira, “Dopa sanggania nikita kami kajadia eva hitu ri tana Israel!”

Lukas 7:10

Tempo tona nitudu gahaitu nanjili ri banua, nikavara batua haitu nabelo mpuumo.

Lukas 7:50

Tapi i Yesus nanguli ka mombine haitu, “Iko nipakasalama sabana iko nomparasaya Yaku. Panjilimo, damo Alatala mompakatinonto raramu!”

Lukas 7:8

Nisaniku ia mabelo sabana yaku muni natundu ri parenta nu tuaku. Bo naria muni tantara-tantara natundu nte parentaku. Ane kuulika saito tantara, ‘Koimo’, ia kana hau. Ane kuulika tantara ntanina, ‘Katumai,’ ia kana tumai. Ane kuulika batuaku, ‘Povia anu haitu,’ kana rapoviana.”