Lukas 7:8 - Kaili Ledo

⁸ Nisaniku ia mabelo sabana yaku muni natundu ri parenta nu tuaku. Bo naria muni tantara-tantara natundu nte parentaku. Ane kuulika saito tantara, ‘Koimo’, ia kana hau. Ane kuulika tantara ntanina, ‘Katumai,’ ia kana tumai. Ane kuulika batuaku, ‘Povia anu haitu,’ kana rapoviana.”

Lukas 7:8 Iomraidhean Croise

Lukas 7:7

Ledo masipato yaku mosintomu nte Komiu. Nau aga rauliMiu sambela rombela, mabelomo batuaku.

Lukas 7:9

Nokumaa mpuu i Yesus nangepe tesa nu balengga ntantara haitu. Jadi neili Ia bo nangulika todea nangoseaka Ia, “Natantu mpuu pomparasaya ntona hitu! Nau todea toYahudi, muli i Israel, dopa ria nikavaKu pomparasayana naroso mpo pomparasaya ntona hitu.”

Suro-Suro 23:17

Naupu nangepe tesa nu pinoanana, i Paulus nompokio saito balengga ntantara bo nanguli ka ia, “Keni kabilasa hitu hau ri ngayo nu tadulako. Naria anu ratesana ka ia.”

Suro-Suro 23:23

Naupu haitu, tadulako nompokio randua tantarana, bo nanguli ka ira, “Pakasadiamo roatu tantara biasa bo pitupulu tantara mesavi jara, bo roatu tantara motavala. Bongina hitu tinti sasio, komiu kana malai lako ri sii hau ri ngata Kaisarea.

Suro-Suro 23:26

“Gubernur Feliks nibilaku. Tabe lako nte yaku i Klaudius Lisias.

Suro-Suro 23:31

Naupu tadulako notulisi sura haitu, tantara-tantarana nangoseaka anu niparentana ka ira. Nialara i Paulus bo nikenira ia nalai bongina haitu sampe nakava ri ngata Antipatris.

Suro-Suro 24:23

Naupu haitu niparentana balengga ntantara ala i Paulus batena rajagai. Tapi nau nijagai, ledo nitarunggu ntoto apa nidekeira ia nolipa-lipa sakide bo ledo nitagi roana nakava mantulungi ia.

Suro-Suro 25:26

Aga dopa nisaniku nuapa kutulisi ka Magau Mbaso, apa dopa ria katantuna kasalana. Haitumo sabana yaku nompopositingayo ia nte komiu pura-pura, nelabipa komiu, Magau Agripa nibilaku. Patujuku, ane maupu ia raparesata ri sii, kana mariamo anu mamala kutulisi ka Magau Mbaso.

Kolose 3:22

Sampesuvu-sampesuvu anu najadi batua, oseakamo pura-pura parenta nu tuamiu ri dunia hitu. Nee aga mangoseaka parentara tempo nikitara komiu ala komiu ratoiyara. Tapi oseakamo parentara ante rara mpuu-mpuu sabana komiu nombabila i Pue Yesus.