Lukas 7:6 - Kaili Ledo

⁶ Jadi hau mpuumo i Yesus nosanggani-nggani ante ira. Naparapa i Yesus ri banuana, nitudu nu balengga ntantaramo bara sako-ndua roana hau mantomunaka i Yesus bo manguli, “Pue, ledo paraluu Komiu makava ri banuaku, sabana yaku ledo toYahudi. Ledo masipato yaku mantarima Komiu ri banuaku.

Lukas 7:6 Iomraidhean Croise

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Markus 5:24

Jadi haumo i Yesus nosanggani-nggani ante i Yairus. Nadea mpuu tona nantuntuni ira bo nomposimpii i Yesus.

Lukas 5:8

Tempo i Simon Petrus nanggita haitu, nantaputumo ia ri ngayo i Yesus bo nanguli, “Nee mapara nte yaku, Pue, apa yaku tona nadosa!”

Lukas 7:4

Tempo totua ntoYahudi nakava ri ngayo i Yesus, ira mpuu-mpuu nerapi tulungi nte i Yesus ivei: “Tadulako haitu tona masipato ratulungiMiu,

Lukas 7:5

sabana nipotovena kita toYahudi bo nidekeina muni doi rapombangu banua petuputa.”

Lukas 7:7

Ledo masipato yaku mosintomu nte Komiu. Nau aga rauliMiu sambela rombela, mabelomo batuaku.

Lukas 8:49

I Yesus da notesa ka mombine haitu, nakavamo tona lako ri banua i Yairus. Nanguli ia ka i Yairus, “Tua, namatemo anamu. Tumo mompakalenge i Guru hau ri banuamiu.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Yakobus 4:10

Komiu kana mompakaede raramiu ri ngayo nu Alatala bo Ia mompakaoge komiu.

Yakobus 4:6

Tapi Alatala nombatulungi kita lako ri kabelo nu raraNa. Bo petulungiNa haitu naogepa pade pura-pura anu nipoinota. Haitumo sampe naria tesa nitulisi riara Buku Gasa ivei: “Alatala nangeva tona nalanga rarana, tapi tona naede rarana nipoasiNa.”