Lukas 7:42 - Kaili Ledo

⁴² Randua topanginda doi haitu, ledo nipakulera nombabayari pakaupu indara. Nanguli tupu nu doi ka ira randua ivei: ‘Doiku niindamiu randua, domo kusingara nte komiu.’ ” Pade nanguli i Yesus ka i Simon, “Lako nte ira randua haitu, isema nipotovenapa tupu nu doi?”

Lukas 7:42 Iomraidhean Croise

Matius 18:27

Nangepe haitu, naasimo mata magau nanggita tomaoge haitu. Jadi nikabasakana tomaoge bo indana nipakalalinamo.

Matius 18:34

Jadi nagigi mpuu rara magau nanggita tomaoge anu nadaa poviana haitu. Nidekeina tomaoge haitu riara kuasa nu topojaga tarunggu rapandasa, sampe rabayarina pakaupu pura-pura indana.”

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Lukas 7:43

Nanguli i Simon, “Panggavaku, tona nadeapa indana haitu nipotovenapa tupu nu doi.” Nesana i Yesus, “Nakana panggavamu tutu.”

Roma 3:24

Tapi Alatala nombareke kita nanoa ri panggitaNa sabana kamate i Yesus Kristus anu nombakabasaka kita lako ri pehuku nu dosa. Haitu nipovia nu Alatala ka kita lako ri kabelo raraNa, ledo nibayarita.

Roma 5:6

Iveimo tove nu Alatala ka kita: ri tempo nipakatantu nu Alatala, tempo kita ledo nompakule mangoseaka dotaNa, i Kristus namate nanjambei kita anu ledo natundu nte Alatala.

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”

Efesus 1:7

Kita nikabasaka lako ri pehuku nu dosa sabana raa kamate i Kristus bo posangu rarata nte Ia. Dosata niampungi nu Alatala sabana toveNa anu nelabi kaogena.

Efesus 4:32

Tapi kana mabelo raramiu nte roa bo mosipoasi mata. Komiu kana mosiampungi, nasimbayu mpo Alatala nombaampungi komiu sabana komiu nosangu rara nte i Kristus.

Kolose 3:13

Nee raboli riara tesa nu roa. Ane maria kodi raramiu, posiampungimo. Ampungimo tona movia sala nte komiu ante mpuu-mpuu raramiu, nasimbayu mpo i Pue nombaampungi dosamiu.