Lukas 7:40 - Kaili Ledo

⁴⁰ Nanguli i Yesus ka i Simon, “Simon, naria sangaya Kuuli ka iko.” Nesana i Simon, “Iyo, ulimo, Guru.”

Lukas 7:40 Iomraidhean Croise

Matius 26:49

Jadi nakava hamai, i Yudas nanggaparai i Yesus bo nanguli, “Tabe, Guru!” Bo niekina i Yesus.

Matius 7:22

Ri Eo Potangara bara maipia madea tona manguli ka Yaku, ‘Pue, Pue! Kami nompasimbayu tesaMiu ka tona ntanina ante kuasaMiu bo ante kuasaMiu muni kami nompopalai seta-seta lako nte tona. Bo nadeamo kabaraka nipovia kami nte kuasaMiu!’

Lukas 18:18

Naria saito pakeni ntoYahudi nekutana nte i Yesus, “Guru belo, nuapa kupovia ala kukava katuvua mabelo sampe ri kasae-saena?”

Lukas 5:22

Nisani i Yesus pekiri nu guru agama bo toFarisi haitu. Jadi niulikaNa ira, “Nakuya komiu nompekiri ivesia riara ntaimiu?

Lukas 5:31

Nesana i Yesus, “Tona ledo nadua, ledo paraluu rapakulisi nu dokutoro, aga tona nadua.

Lukas 6:8

Tapi nisaniNa pekirira. Jadi niulikaNa tona nakoyo palena haitu, “Kaimo, peangga ri sii!” Bo hau mpuumo tona haitu neangga ri sia.

Lukas 7:39

Nanggita haitu, nompekirimo i Simon, “Tona hitu ledo nabi. Ane rapana Ia nabi, tantu rasaniNa isema mombine nanggangisi Ia haitu, apa mombine haitu nadosa.”

Lukas 7:41

Pade nanguli i Yesus, “Naria randua tona noinda nte topompopainda doina. Saito noinda limaatu doi salaka bo saito limapulu doi salaka.

Yohanes 13:13

Niulimiu Yaku Gurumiu bo Tupumiu, bo tesamiu haitu nakana, sabana Yaku mpuu-mpuu Gurumiu bo Tupumiu.

Yohanes 16:19

Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.

Yohanes 16:30

Nisani kamimo Komiu nangisani mpengaya-ngaya. Ledo paraluu tona nompekutana Komiu sabana nisaniMiu mamimo pompekutanara. Haitumo sampe niparasaya kamimo Komiu mpuu-mpuu nakava lako nte Alatala.”

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”