Lukas 7:22 - Kaili Ledo

²² Jadi, nesanamo i Yesus ka tona nitudu i Yohanes, “Panjilimo komiu, bo ulika i Yohanes pura-pura anu nikitamiu bo niepemiu: tona naburo nekitamo, tona napunggu nolipamo, tona nadua oge nabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Lukas 7:22 Iomraidhean Croise

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 21:14

Naliu haitu tona naburo bo tona nakejo bo nakoyo nakava nte i Yesus ri Banua nu Alatala. Bo nipakabeloNamo ira.

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Lukas 7:21

Tempo haitu i Yesus nompakabelo todea bo nompopalai seta lako ri karo ntona, bo nadea muni toburo nipakabeloNa sampe namala ira nekita mpanjili.

Lukas 7:23

Nabelo mpuu tona ledo noura nomparasaya Yaku.”

Yohanes 1:46

Tapi nesanamo i Natanael, “Ah! Ledo nisarumakaku anu nabelo meumba lako ri ngata Nazaret!” Nanguli Filipus ka ia, “Kaimo. Peinta mbotomo!” Bo hau mpuumo i Natanael.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Suro-Suro 8:7

Apa nadea seta nipopalaina lako nte tona. Seta-seta haitu nesuvu bo nongare-ngare. Nadea muni tona nakoyo, tona nakejo, bo tona napunggu nipakabelona.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.