Lukas 7:21 - Kaili Ledo

²¹ Tempo haitu i Yesus nompakabelo todea bo nompopalai seta lako ri karo ntona, bo nadea muni toburo nipakabeloNa sampe namala ira nekita mpanjili.

Lukas 7:21 Iomraidhean Croise

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Markus 3:10

Nadea mpuu tona nipakabeloNa bara ipia sampe pura-pura tona nadua nosimpago nompasimbuku mompakapara nte Ia ala ira mamala manggabe Ia.

Markus 5:29

Sanggaupu nikabena, nenontomo raana bo nirasaina nabelomo.

Markus 5:34

Nangepe haitu, nangulimo i Yesus, <>

Lukas 7:20

Jadi haumo randua anaguruna mompekutana i Yesus, ivei: “I Yohanes nombatudu kami mekutana nte Komiu ivei: ‘Komiumo hii Magau Topepakasalama anu makava nangoseaka pojanji nu Alatala, atau bara da mariapa tona ntanina rapopea kami?’ ”

Ibrani 12:6

Sabana Tupu nompatuduki bo nomparajea pura-pura tona nipotoveNa. Ia noparajea pura-pura tona nipangakuNa ana-anaNa.” Ayub 5:17, Amsal 3:11-12