Lukas 7:13 - Kaili Ledo

¹³ Tempo i Yesus nanggita ia, naasi mpuumo mataNa. NiulikaNa, “Nee motumangi, Ina.”

Lukas 7:13 Iomraidhean Croise

Markus 8:2

<

Lukas 10:1

Naliutaka haitu, i Pue Yesus nompelisi pitupulu topangoseaka Ia ntanina. Tona pitupulu haitu nituduNa randua-randua samporoa mokolu ka Ia hau ri pura-pura ngata rakalauNa.

Lukas 11:1

Naria sanggani i Yesus hau nosambaya. Naupu Ia nosambaya, nangulimo saito anaguruNa, “Pue, patuduki muni kami mosambaya mpo i Yohanes Topediu nompatuduki anaguruna nosambaya.”

Lukas 11:39

Haitu sampe i Yesus nanguli ka ia, “Komiu toFarisi nangoseaka ada-ada agama anu nikita ntona, tapi raramiu nadaa bo nainoka mbara-mbara ntona ntanina. Komiu nasimbayu mpo tona notoposi boda bo suraya ri savalikuna tapi riarana bate-batena natagara!

Lukas 12:42

Nesanamo i Yesus, “Haitu niuliKu ka batua nanoto bo natutu neoseaka. Tona haitu raanggataka nu madikana majadi topompasiayu pura-pura batua ntanina riara banua. Iamo mompasiayu kandea ka batua-batua ntanina eo-eo.

Lukas 13:15

Nangepe tesa haitu, nangulimo i Yesus, “Komiu aga tobelo ri sumba! Ri eo penonto pura-pura komiu nombakabasaka japimiu, bara jaramiu, bo nikenimiu rapopainu.

Lukas 17:5

Pade nanguli anaguruNa, “Pue, pakaroso pomparasaya kami.”

Lukas 17:6

Nesana i Yesus, “Ane rapana pomparasayamiu masimbayu kambasona mpo batu nu mandoe, mamala raulimiu ka kayu mbaso hitu, ‘Kaubimo! Koi polinja hau rantasi.’ Natantu kayu haitu molinja mpuu.”

Lukas 18:6

Nanguli i Yesus ka anaguruNa, “Pariaramo anu niuli ntopotangara anu ledo nanoa haitu!

Lukas 19:8

Naupu haitu neanggamo i Zakheus ri ngayo ntodea bo nanguli ka i Yesus, “Pue, santanga mbara-mbaraku kudekei ka tona napakasi. Isema-sema nibagiuku, kupopanjili ka ia pata-nggani kadeana.”

Lukas 22:61

Pade neilimo i Yesus nangganoto i Petrus. Jadi nitora i Petrusmo anu niuli i Yesus ka ia pangane ivei: “Dopame mototoroko manu ngena bobaya, talu-ngganimo iko mombasapu Yaku.”

Lukas 24:3

Jadi nesuamo ira riara dayo, tapi domo naria karobata i Yesus ri sia.

Lukas 24:34

Tona nasiromu haitu nanguli ka ira randua, “I Yesus mpuu-mpuu natuvu mpanjilimo! Ia neonga nte i Simon Petrus!”

Lukas 7:12

Tempo i Yesus napara ri bobaa mesua rangata, nikitaNamo topokova tomate nesuvu lako riara ngata haitu. Tomate haitu ngana langgai, saito-itona ana ntimbala. Nadea muni tona lako ri ngata haitu nomporoa timbala haitu.

Lukas 7:14

Pade hau i Yesus nanggaparai tomate nikova ntona haitu bo nikingginisiNa pokova. Jadi, topokova tomate haitu nenonto. Nanguli i Yesus, “He, kabilasa, Kuuli ka iko, pembangumo!”

Lukas 7:19

bo nituduna hau mompekutana i Yesus ivei: “Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”

Lukas 8:52

Tempo haitu, pura-pura tona nasiromu ri sia nantete notumangi sabana ngana haitu namatemo. Tapi i Yesus nanguli ka ira, “Tumo motumangi! Ngana haitu ledo namate, aga namonjo.”

Yohanes 11:3

Jadi sampesuvuna randua nombatudu tona hau mangulika i Yesus ivei: “Pue, vega nipotoveMiu nadua.”

Yohanes 20:13

Nekutanamo malaeka-malaeka haitu, “Ina, nakuya komiu notumangi-mangi?” Nesana i Maria, “Tupuku niala ntonamo lako ri sii bo ledo nisaniku ri umba nipombolira.”

Yohanes 20:15

Nekutanamo i Yesus, “Ina, nakuya iko notumangi? Isema nielomu?” Nisarumaka i Maria bara topokarajaa ri pampa haitu. Jadi nesanamo ia, “Ane komiu nangala karobataNa lako ri sii, ulimo ka yaku bara ri umba nipombolimiu ala kusani bo hau kuala Ia.”

Yohanes 4:1

ToFarisi nangepe lelena nadeamo tona hau nekidiu nte i Yesus ala majadi topangoseaka Ia sampe nadeapa topangoseaka i Yesus pade i Yohanes Topediu.

Yohanes 6:23

Naupu sia, nakavamo bara sakuya sakaya ntanina lako ri ngata Tiberias nesampo napara ponturo ntodea nangande roti naupu i Yesus nanguli tarima kasi nte Alatala.

1 Korintus 7:30

Bo tona notumangi ante susa rara, nee aga mompekirika kasusa rarana. Tona nadamba nemo aga mompekirika kadamba nu rarana. Tona nopagoli nemo aga mompekirika balu-baluna.

1 Tesalonika 4:13

Sampesuvu-sampesuvu, patuju kami ala rasanimiu mpuu anu majadi ante topomparasaya anu namatemo, ala ledo masusa raramiu mpo tona ntanina anu ledo nanjarumaka matuvu mpanjili nosanggani-nggani nte Alatala.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.