Lukas 7:12 - Kaili Ledo

¹² Tempo i Yesus napara ri bobaa mesua rangata, nikitaNamo topokova tomate nesuvu lako riara ngata haitu. Tomate haitu ngana langgai, saito-itona ana ntimbala. Nadea muni tona lako ri ngata haitu nomporoa timbala haitu.

Lukas 7:12 Iomraidhean Croise

Lukas 7:11

Naliutaka haitu, i Yesus hau ri ngata Nain. AnaguruNa hau nosanggani-nggani nte Ia bo nadea muni tona ntanina nantuntuni Ia.

Lukas 7:13

Tempo i Yesus nanggita ia, naasi mpuumo mataNa. NiulikaNa, “Nee motumangi, Ina.”

Lukas 8:42

apa anana saito-itona, ana mombine noumuru sapulu rompae, nadua ntamo, damo kamatena. Nangepe haitu, haumo i Yesus ri banuana. Tempo ira da ranja mpolipa hau ri banua i Yairus, todea nomposimpii i Yesus.

Lukas 8:52

Tempo haitu, pura-pura tona nasiromu ri sia nantete notumangi sabana ngana haitu namatemo. Tapi i Yesus nanguli ka ira, “Tumo motumangi! Ngana haitu ledo namate, aga namonjo.”

Yohanes 11:19

Jadi nadeamo toYahudi nakava nte i Marta bo i Maria mompakavoe rarara sabana sampesuvura i Lazarus namatemo.

Suro-Suro 9:39

Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

Suro-Suro 9:41

Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.