Lukas 6:8 - Kaili Ledo

⁸ Tapi nisaniNa pekirira. Jadi niulikaNa tona nakoyo palena haitu, “Kaimo, peangga ri sii!” Bo hau mpuumo tona haitu neangga ri sia.

Lukas 6:8 Iomraidhean Croise

Matius 9:4

Tapi nisani i Yesusmo pekirira. Haitu sampe niuliNa ka ira, “Nakuya rara ntaimiu nompekiri nadaa?

Markus 3:3

Nanguli i Yesus ka tona nakoyo palena haitu, <>

Lukas 13:12

Tempo i Yesus nanggita mombine haitu, nipokioNa bo niulikaNa, “Ina, mabelomo komiu.”

Lukas 5:22

Nisani i Yesus pekiri nu guru agama bo toFarisi haitu. Jadi niulikaNa ira, “Nakuya komiu nompekiri ivesia riara ntaimiu?

Lukas 6:9

I Yesus nekutana nte ira pura-pura, “Nangoseaka atura agamata, nuapa nipaloga ka kita rapoviata ri eo penonto? Movia anu nabelo atau movia anu nadaa? Mantulungi tona atau mompatesi?”

Yohanes 2:25

Ledo paraluu tona mompakalanto inggu manusia ka Ia sabana nisaniNa puramo isi rara ntai manusia.

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Yohanes 9:4

Ane da maeo, kita kana movia pokarajaa nu Alatala anu nantudu Yaku. Apa ane mabongimo domo mamala mokarajaa.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Suro-Suro 26:26

Nisani Magau Agripa mboto anu nitesaku pangane. Haitu sampe yaku ledo naeka notesa ivesia ri ngayona. Nisaniku ledo ria nuapa-nuapa dopa nisanina apa kajadia haitu ledo nitabuniaka.”

Filipi 1:28

Bo nee rapokaeka tona mangeva komiu. Apa kabiamiu haitu nompakalanto ka ira iramo rahuku nu Alatala bara maipia, tapi komiu rapakasalamaNa, sabana Alatalamo nombatulungi komiu.

Ibrani 4:13

Nau aga sangaya anu nipajadi nu Alatala, ledo ria sangua ledo nikitaNa. Pura-pura nalanto nikitaNa. Bo kita kana mompangaku pura-pura pokaingguta ka Ia bara maipia.

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.