Lukas 6:6 - Kaili Ledo

⁶ Ri eo penonto ntanina, i Yesus hau nompaguru ri banua petupu ntoYahudi. Ri sia naria saito tona nakoyo pale ngganana.

Lukas 6:6 Iomraidhean Croise

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Lukas 13:10

Naria saeo ri eo penonto, i Yesus nompaguru ri banua petupu.

Lukas 14:3

Nanggita tona haitu, nekutanamo i Yesus nte guru-guru agama bo toFarisi ri sia, “Nantuntuni atura agamata, mamala kita mompakabelo tona nadua ri eo penonto, atau ledo?”

Lukas 4:16

I Yesus hau ri Nazaret, ri ngata pompakambaso Ia. Nangoseaka kabiasaNa ri eo penonto, Ia nesua ri banua petupu, bo neangga nombabaca isi Buku Gasa.

Lukas 4:31

I Yesus hau ri ngata Kapernaum ri bagia Galilea. Ri sia Ia nompaguru ri banua petupu ri eo penonto.

Lukas 6:1

Naria saeo, nambela eo penonto, i Yesus ante ana-anaguruNa noliu ri talua gando. Ana-anaguruNa nokaleti gando, nitiera bo niontara.

Lukas 6:5

Bo ledo muni masipato komiu mombasalai Yaku, Ana nu Manusia. Yaku nakuasa manguli nuapa masipato rapovia ri eo penonto.”

Yohanes 5:3

Ri tambale-tambale haitu nadea mpuu tona nadua naturu. Naria tona naburo, naria tona nakejo, naria tona napunggu bo dua ntanina. Ira pura-pura nompopea uve mojompe.

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.