Lukas 6:44 - Kaili Ledo

⁴⁴ Pura-pura kayu nisani lako ri vuana. Vua ara ledo nipupu lako ri lemo ntasi bo anggur ledo nipupu lako ri valaa karui.

Lukas 6:44 Iomraidhean Croise

Matius 12:33

Ane kayu nabelo, nabelo muni vuana. Ane kayu ledo nabelo, ledo muni nabelo vuana. Kabelo nu kayu nikita ri vuana.

Matius 7:16

Rasanimiu ira lako ri pokainggura. Vua anggur ledo nipupu lako ri lemo ntasi bo vua ara ledo nipupu lako ri kavoko nggarui.

Matius 7:20

Jadi ivesia muni ante nabi-nabi mpodava. Lako ri pokainggura rasanimiumo isema ira.

Yakobus 3:12

Ivesia muni ante kayu. Ledo ria kayu ara novua vua zaitun, bo ledo muni naria anggur novua vua ara. Mata nu uve napaga ledo muni nompopesuvu uve namoli. Jadi ane kita mombatoiya Alatala bo mombapindasi singgaroata, ledo masipato!

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.