Lukas 6:42 - Kaili Ledo

⁴² Berimba komiu mamala manguli ka roa, ‘He, sampesuvu, mai kulelaka garupu ri matamu,’ iyapa baloti ri matamiu mboto ledo nikitamiu! Komiu aga tobelo ri sumba! Lelaka ntani ruru baloti ri matamiu ala mamala komiu mekita bo mombalelaka garupu ri mata nu sampesuvumiu!”

Lukas 6:42 Iomraidhean Croise

Matius 26:75

Bo nitora i Petrusmo tesa i Yesus pangane nanguli, “Dopame manu mototoroko ngena, talu-ngganimo iko mombasapu Yaku.” Bo nesuvumo i Petrus notumangi nonjodu-njodu ante nasusa mpuu rarana.

Matius 7:3

Nakuya komiu namala manggita dosa roamiu nakodi eva garupu ri matana, tapi dosamiu mboto nambaso eva baloti ri matamiu mboto ledo nikitamiu?

Matius 7:4

Berimba komiu manguli ka roamiu, ‘Mai, kulelaka garupu ri matamiu,’ iyapa ri matamiu mboto naria baloti!

Lukas 13:15

Nangepe tesa haitu, nangulimo i Yesus, “Komiu aga tobelo ri sumba! Ri eo penonto pura-pura komiu nombakabasaka japimiu, bara jaramiu, bo nikenimiu rapopainu.

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Lukas 6:41

Nakuya komiu namala nanggita dosa nu roamiu nakodi mpo garupu ri matana, tapi dosamiu mboto nambaso mpo baloti ri matamiu ledo nikitamiu?

Lukas 6:43

“Ledo naria kayu nabelo novua nadaa. Ledo muni naria kayu nadaa novua nabelo.

Suro-Suro 13:10

bo niulikana, “He, topebagiu nggaraka, ana nu Magau Seta! Ikomo nangeva pura-pura anu nabelo! Nakuya iko ledo nenonto nombatenggosi tesa nu Alatala nanoa?

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 8:21

Iko ledo ntoto masipato metuntuni riara pokarajaa kami hitu, sabana raramu ledo nanoa ri panggita nu Alatala.

Roma 2:1

Jadi sampesuvu-sampesuvu, ane komiu nompakasala tona ntanina, ledo mamala raulimiu <> Apa pokainggumiu mboto nasimbayu nte pokainggura. Jadi ane komiu nompakasala tona ntanina, batuana komiu nompakasala karomiu mboto.

2 Korintus 5:18

Alatalamo anu nompakajadi pura-pura haitu. NipoposinggabeloNa kita nte Ia ante kamate i Kristus. Bo niparasayaNa ka kami pokarajaa mompatolele kareba posinggabelo ka tona ntanina ala ira muni mamala mosinggabelo nte Ia.

2 Timotius 2:21

Jadi ane tona mombakabasaka pura-pura pokaingguna nadaa, ia majadi masimbayu mpo pareva bulava bo salaka rapake mombatande torata. Batuana, ia majadi topokarajaa anu nagasa bo noguna ka Tupuna, bo ia masadia movia mpengaya-ngaya pokarajaa nabelo.

2 Petrus 1:9

Tapi tona ledo noinggu ivehaitu, pekirina nasimbayu mpo tona naburo matana, nalingamo rarana dosana nipegasa bara ipia.