Lukas 6:40 - Kaili Ledo

⁴⁰ Ledo ria ngana sikola naogepa pade guruna. Tapi ane matamamo posikolana, masimbayumo ia nte guruna.

Lukas 6:40 Iomraidhean Croise

Matius 23:15

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Nakadiki mpuu komiu mompatuduki tona ntanina mangoseaka pepatudukimiu. Komiu hau nevote tasi bo nolipa nakavao mangelo nau aga saito tona mesua agamamiu. Bo nesuapa ia, komiu nanggeni ia majadi rongganipa kadaana pade komiu mboto!

Lukas 6:41

Nakuya komiu namala nanggita dosa nu roamiu nakodi mpo garupu ri matana, tapi dosamiu mboto nambaso mpo baloti ri matamiu ledo nikitamiu?

Yohanes 13:16

Pariaramo tesaKu hitu, batua ledo naogepa pade madikana. Ivesia muni tona nitudu ledo naogepa pade topetudu.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.