Lukas 6:30 - Kaili Ledo

³⁰ Ane tona merapi nte komiu, dekeimo ka ia. Bo ane mbara-mbaramiu raalasi ntona, nee raperapimiu mpanjili anu nialana.

Lukas 6:30 Iomraidhean Croise

Matius 18:35

I Yesus nompakaupu porapaNa bo nanguli, “Ivesia muni TuamaKu ri suruga movia ka komiu ane ledo raampungimiu sampesuvumiu ante mpuu-mpuu raramiu!”

Matius 5:39

Tapi Kuuli ka komiu, nee rapesavamiu. Ane maria tona mombasapa kalimpi ngganamiu, dekei muni sabingga kalimpi njidimiu rasapana.

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Lukas 11:41

Dekeimo ka tona napakasi ante belo rara bo ivesiamo pura-pura majadi magasa ka komiu.

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 6:29

Ane rasapa ntona sabingga kalimpimiu, nee rapesava. Taa ka ia vai sabinggapa rasapana. Ane raalasi ntona buyamiu, dekeika muni bajumiu.

Lukas 6:31

Nuapa-nuapa rapodotamiu rapovia ntona ka komiu, ivesia muni rapoviamiu ka tona.

Lukas 6:38

Dekei ka tona ntanina ala Alatala muni mombadekei ka komiu. Bo pedekei nu Alatala nabelo mpuu, kadeana nasimbayu mpo posuka naponu niparoo bo nigoya ala namala raisi vai sampe maponu suu. Apa posuka nipakemiu ka tona ntanina, haitu muni raposuka ka komiu.”

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.