Lukas 6:25 - Kaili Ledo

²⁵ Mandasa mpuu komiu anu nabosu sii-sii, sabana komiu maara ngena. Mandasa mpuu komiu anu nadamba sii-sii, sabana komiu masusa bo motumangi ngena.

Lukas 6:25 Iomraidhean Croise

Lukas 12:20

Tapi Alatala nanguli ka ia, ‘Heh, todoyo! Bongi hitu iko mamate. Pura-pura anu nipakasadiamu, isema tupuna ngena?’ ”

Lukas 13:28

Tempo komiu manggita i Abraham, i Ishak, bo i Yakub mosanggani-nggani ante pura-pura nabi nggaulu mosusa madamba-damba ri Poparenta nu Alatala, motumangi komiu bo masusa mpuu raramiu sabana komiu rapopalai hau ri savalikuna!

Lukas 6:24

Mandasa mpuu komiu anu nakalumana sii-sii, sabana nikavamiu puramo anu nompakasana raramiu.

Lukas 6:26

Mandasa mpuu komiu ane pura-pura tona nombatoiya komiu, sabana ivesia muni totuamiu nggaulu nombatoiya nabi mpodava.”

Lukas 8:53

Nangepe tesa i Yesus, aga nipongirikara apa nisanira ngana mombine haitu namate mpuumo.

Efesus 5:4

Ledo muni masipato komiu mosovadaka tesa-tesa nasuloka bara tesa-tesa ledo ria gunana bara kuvava-kuvava anu ledo masipato. Aginapa sumbamiu rapakemiu manguli tarima kasi ka Alatala.

1 Tesalonika 5:3

Tempo tona ledo nomparasaya Alatala aga manguli, “Katuvuta ri dunia nabelo pura, ledo ria nuapa-nuapa rapokaekata.” Tapi ri tempo haitumo ledo rasani-sanira, sampesanika maropumo ira, masimbayu mpo dua nu mombine tempona moana. Ledo ntoto maria dala mombaleva pehuku.

Yakobus 4:9

Komiu kana mpuu-mpuu manjoso raramiu bo motumangi masusa rara mantoraka dosamiu. Ledo mabelo komiu mongiri bo madamba, kana masusa rara bo motumangi.

Pompakita 3:17

Komiu nanguli, ‘Kami hii nakalumanamo, nagana puramo katuvu kami, domo kami paraluu nuapa-nuapa.’ Tapi kakanana ledo nisanimiu katuvumiu mboto! Komiu nelabi napakasi. Katuvumiu aga nipoasi mata ntona. Komiu napakasi mpuu, naburo matamiu, bo novuloamo komiu.