Lukas 6:18 - Kaili Ledo

¹⁸ Ira nakava mangepe tesa i Yesus bo rapakabeloNa. Tona nipesua nu seta nakava muni bo nipakabeloNa.

Lukas 6:18 Iomraidhean Croise

Matius 15:22

Naria saito mombine toKanaan, tona ledo toYahudi, nonturo ri bagia haitu. Ia nakava nte i Yesus bo nongare-ngare ivei: “Pue, Muli Magau Daud! Poasimo yaku hii! Anaku mombine nipesua seta sampe nandasa mpuumo ia!”

Matius 17:15

“Pue, poasimo anaku! Ia natorompate, nandasa mpuu ia. Ia nasaro nadungga ri apu atau ri uve.

Lukas 6:17

Naupu i Yesus nompelisi anaguruNa, notuamo Ia nosanggani-nggani ante ana-anaguruNa lako ri bulu haitu. Tempo ira natudu ri lembana, nadea mpuu topeoseaka ntanina nompopea ri sia bo nadea muni tona neonga lako ri umba-umba ri bagia Yudea, lako ri ngata Yerusalem, lako ri ngata Tirus bo Sidon ri tinggi ntasi.

Lukas 6:19

Nadea tona nompasimbuku manggabe karo i Yesus sabana naria kuasa nu Alatala nesuvu lako nte Ia anu nompakabelo pura-pura ira.

Suro-Suro 5:16

Noumbe-umbe tona nakava lako ri ngata-ngata napara Yerusalem nanggeni tona nadua bo tona nipesua seta. Bo pura-pura tona haitu nipakabeloramo.