Lukas 6:13 - Kaili Ledo

¹³ Naeo mpadondo, nipasiromuNa puramo tona nangoseaka Ia, pade nipelisiNa sapulu randua lako nte ira majadi anaguruNa, ala ira mompapola tesa nu Alatala ka todea.

Lukas 6:13 Iomraidhean Croise

Matius 10:2

Sanga sapulu randua anaguru anu nisuroNa haitumo, Pamulana i Simon anu nosanga muni i Petrus; bo i Andreas, tuei i Petrus; i Yakobus bo i Yohanes ana-ana i Zebedeus; i Filipus; bo i Bartolomeus; i Tomas; bo i Matius topesingara balasitee; i Yakobus ana i Alfeus; i Tadeus; i Simon, saito lako ri partai Zelot, haitumo partai maradeka ntoYahudi; bo i Yudas Iskariot anu nompobalu i Yesus ka baliNa.

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 9:36

Nanggita todea, naasi mpuumo mataNa, sabana nasesamo ira bo ledo ria tona nantulungi ira, nasimbayu eva bimba ledo ria topoevuna.

Markus 6:30

Anaguru i Yesus nanjili lako nompatolele Kareba Belo, bo nasiromu mpanjili nte i Yesus bo notesa pura-pura anu nipoviara bo nipatudukikara.

Markus 6:7

NirondeNa sapulu randua anaguruNa bo nituduNa ira randua-randua hau mompatolele Kareba Belo. NidekeiNa kuasa ka ira mompopalai seta-seta.

Lukas 11:49

Sabana haitu, Noto nu Alatala nanguli pakalanto ivei: ‘Nabi-nabi bo suro-suroKu Kutudu hau nte ira gahaitu. Sanu rapatesira, bo sanu rapandasara.’ Alatala nanguli ivesia sabana nisaniNa komiu anu natuvu sii-sii nasimbayu kadaamiu ante totuamiu nggaulu.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Lukas 6:14

Tona nipelisiNa haitu iamo: i Simon nidaeNa i Petrus, i Andreas tuei i Simon, i Yakobus, i Yohanes, i Filipus, i Bartolomeus, i Matius, i Tomas, i Yakobus ana i Alfeus, i Simon lako ri partai Zelot, haitumo partai Maradeka ntoYahudi, i Yudas ana i Yakobus, ante i Yudas Iskariot, anu nompobalu i Yesus.

Yohanes 4:33

Nangepe haitu, nosipekutanamo anaguruNa, “Naria tona nanggeni kandea ka Ia?”

Suro-Suro 1:13

Nakava ri Yerusalem, hau ira ri banua ponturora bo nompene ri tombi kalangana. Sanga nu suro-suro haitu iamo: i Petrus, i Yohanes, i Yakobus, i Andreas, i Filipus, i Tomas, i Bartolomeus, i Matius, i Yakobus ana Alfeus, i Simon Zelot topangeva pomarenta, bo i Yudas ana Yakobus.

Efesus 2:20

Kita topomparasaya i Kristus nirapaka gana-gana nu banua nibangu nu Alatala. Suro-suro i Kristus bo nabi-nabi nirapaka pandasi nu banua haitu. I Yesus Kristus nirapaka vatu nu pandasi anu nelabi nopoko.

Efesus 4:11

Iamo nompalele pedekei-pedekei ka kita. Sanu nidekeikaNa pompakule majadi suro, sanu nidekeikaNa pompakule majadi nabi anu mompasimbayu tesa nitarimana lako nte Alatala. Sanu muni nidekeikaNa pompakule majadi topompatolele Kareba Belo, bo ntanina nidekeikaNa pompakule manggeniaka bo mompatuduki todea topomparasaya.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

Pompakita 12:1

Naliu haitu, neumbamo tanda ri langi anu mpuu-mpuu nipokumaaka. Naria saito mombine nopakea mata nu eo. Ia neangga ri bavo nu bula, bo ri balenggana naria songgo nipovia lako ri sapulu randua betue.

Pompakita 18:20

Bo nanguli malaeka, “Umbamo komiu toponturo ri suruga! Pakadambamo raramiu! Pakadambamo raramiu todea nu Alatala mosanggani-nggani ante suro-suroNa bo nabi-nabiNa! Sabana, tupu ngata mbaso Babel nihuku nu Alatalamo! NibalasiNamo pokainggura nadaa nte komiu.”

Pompakita 21:14

Tembo ngata haitu nipopeangga ri bavo sapulu rolonta vatu pandasi bo ri vatu pandasi haitu naria nitulisi sanga sapulu randua suro nu Ana Bimba.