Lukas 5:8 - Kaili Ledo

⁸ Tempo i Simon Petrus nanggita haitu, nantaputumo ia ri ngayo i Yesus bo nanguli, “Nee mapara nte yaku, Pue, apa yaku tona nadosa!”

Lukas 5:8 Iomraidhean Croise

Matius 17:6

Nangepe suara haitu naeka mpuumo rara nu anaguru i Yesus, sampe notungga narapa ri tana.

Matius 2:11

Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Matius 8:8

Tapi nesana balengga ntantara haitu, “Tua, yaku hii ledo masipato mantarima Komiu riara banuaku. Nau aga rauliMiu sambela rombela, mabelomo batuaku.

Lukas 5:7

Sabana haitu, ira nekitulungi nte roara ri sakaya ntanina, “Kamai ruru, le! Tulungimo kami!” Nakavamo roara bo nosanggani-nggani nombakosini bau riara sakaya randua haitu. Naponu pura sakaya randua nikosinira bau sampe sakaya sakidepa natala.

Lukas 5:9

Niulina ivesia sabana ia ante roana nokumaa mpuu nanggita kadea nu bau namala nijalara.

Yohanes 11:32

Nakavapa i Maria nte i Yesus, nantaputumo ia ri ngayoNa bo nanguli, “Pue, ane naria Komiu ri sii bara ipia, natantumo ledo mamate sampesuvuku.”

1 Korintus 13:12

Anu nikitata sii-sii nasimbayu mpo vayo nu lenje navuyo-vuyo riara pompevayo. Tapi ri tempo makava malanto rakitata mpo tona mosinggita lenje. Sii-sii pangisaniku da nakura, tapi tempo bara maipia malanto kusani pura-pura nuapa, nasimbayu mpo Alatala nangisani pura-pura karoku hitu.

Pompakita 1:17

Nikitakupa Ia, kaliu-liu nadungga ntuobomo yaku ri ngayoNa mpo tomate. Tapi Ia nombatuu pale ngganaNa ri karoku bo nanguli ka yaku, “Nee maeka. Yakumo hii Pamulana bo Kaupuna.