Lukas 5:32 - Kaili Ledo

³² Ivesia muni Yaku. Yaku ledo nakava mompokio tona nanoa, tapi mompokio tona nadosa majea lako ri dosara.”

Lukas 5:32 Iomraidhean Croise

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Matius 9:13

Koi pegurumo batuana tesa nu Alatala anu nanguli ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Yaku nakava ri dunia ledo mompokio tona anu nanguli karora nanoa, tapi mompokio tona nadosa majea lako ri dosara.”

Markus 15:10

Niulina ivesia sabana nisaninamo balengga-balengga ntopanggeni pesomba nanggeni i Yesus ka ia sabana nasiriati.

Markus 15:7

Tempona haitu naria bara sako-ndua tona nitarunggu sabana nompatesi tona tempo nangeva pomarenta. Saito ira nosanga i Barabas.

Markus 2:17

Nangepe pepekutanara haitu, i Yesus norapa ka ira ivei: <>

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Lukas 15:7

Ivesia muni ri suruga. Ane saito tona nadaa majea, kadamba nu isi suruga naogepa pade kadamba ka siopulu bo sasio tona nanoa anu ledo paraluu majea.”

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Lukas 5:31

Nesana i Yesus, “Tona ledo nadua, ledo paraluu rapakulisi nu dokutoro, aga tona nadua.

Lukas 5:33

ToFarisi ante guru-guru agama pangane nanguli ka i Yesus, “Anaguru i Yohanes nasaro nopuasa bo nosambaya. Ivesia muni anaguru ntoFarisi. Tapi anaguruMiu aga nangande bo nanginu. Nakuya ira ledo nopuasa?”

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Suro-Suro 3:26

Haitumo sabana Alatala nanganggataka BatuaNa i Yesus, bo nantudu Ia tumai nte kita toYahudi ntani ruru, ala radekeiNa belo ka kita, haitumo, Ia manggeni kita majea lako ri pokaingguta nadaa.”

Suro-Suro 5:31

Bo Alatala nompakaoge i Yesus bo nipoponturoNa Ia ri sabingga ngganaNa, bo nidekeiNa ka Ia kuasa momparenta bo mompakasalama kita, ala kita toIsrael radekei loga majea lako ri dosa-dosata bo raampungi.

2 Petrus 3:9

Nadea tona nanguli i Pue nokalera nompakadupa pojanjiNa makava mpanjili ri dunia. Tapi Ia ledo nokalera. Ia dopa nakava sabana Ia nosabara nte komiu, Ia madota ala ledo maria saitoa tona rahuku sampe ri kasae-saena. DotaNa, ala pura-pura tona manggava loga majea lako ri dosara.