Lukas 5:24 - Kaili Ledo

²⁴ Tapi Kupopakita ka komiu Yaku, Ana nu Manusia, nakuasa mombaampungi dosa manusia ri dunia.” Pade nituduNa topunggu haitu, “Peanggamo, alamo ompa paturumu bo potinggulimo!”

Lukas 5:24 Iomraidhean Croise

Matius 16:13

I Yesus bo anaguruNa hau ri bagia napara ngata Kaisarea Filipi. Nakava hamai, i Yesus nompekutana anaguruNa, “Nangoseaka panggava ntodea, isema Yaku, Ana nu Manusia?”

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 26:64

Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Matius 9:6

Tapi Kupopakita ka komiu Yaku, Ana nu Manusia, nakuasa ri dunia hitu nombaampungi dosa nu manusia.” Jadi nituduNa topunggu haitu, “Peanggamo! Anggataka ompa paturumu bo panjilimo!”

Lukas 5:13

Nangepe tesa ntona haitu, i Yesus nombadika paleNa ri karo ntona haitu bo nanguli, “Madota Yaku. Mabelomo iko!” Kaliu-liu nabelo mpuumo tona haitu.

Lukas 5:18

Tempo haitu bara sako-ndua tona nombakova topunggu naturu ri ompa. Nipasimbukura manggeni topunggu haitu hau mesua rabanua bo ratuu ri ngayo i Yesus.

Lukas 5:23

Ledo nakaja manguli ‘Dosamu niampungimo.’ Nakajapa manguli ‘Peanggamo bo polipamo!’

Lukas 7:14

Pade hau i Yesus nanggaparai tomate nikova ntona haitu bo nikingginisiNa pokova. Jadi, topokova tomate haitu nenonto. Nanguli i Yesus, “He, kabilasa, Kuuli ka iko, pembangumo!”

Lukas 8:54

Tapi i Yesus hau nesua riara ntombi bo nikangisiNa pale nu ngana haitu. Pade niuliNa, “Ana, pembangumo!”

Yohanes 11:43

Naupu notesa ivesia, nongaremo i Yesus ante suara namangga, “Lazarus! Pesuvumo!”

Yohanes 17:2

NidekeiMiumo kuasa ka Yaku, kuasa moparenta pura-pura manusia ala mamala Kudekei katuvua mabelo sampe ri kasae-saena ka tona nidekeiMiu ka Yaku.

Yohanes 3:13

Dopa ria saitoa tona neore hau ri suruga nanggita anu najadi hamai. Aga Yaku, Ana nu Manusia anu nanau lako ri suruga tumai ri dunia nanggitana.

Yohanes 5:27

Bo nidekeiNa muni kuasa ka Yaku mombatangara manusia sabana Yakumo tona niuli Ana nu Manusia.

Suro-Suro 14:10

bo nanguli ante suara namangga, “Peangga pakanoa!” Jadi, neanggamo topunggu nasalisa bo kaliu-liu nolipamo.

Suro-Suro 5:31

Bo Alatala nompakaoge i Yesus bo nipoponturoNa Ia ri sabingga ngganaNa, bo nidekeiNa ka Ia kuasa momparenta bo mompakasalama kita, ala kita toIsrael radekei loga majea lako ri dosa-dosata bo raampungi.

Suro-Suro 9:34

Nanguli i Petrus ka ia, “Eneas, i Yesus Kristus mompakabelo iko. Pembangumo, pasiayumo paturumu.” Naupu haitu kaliu-liu nabelomo i Eneas bo nembangu mpuumo ia.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.

Pompakita 1:13

Ri olo kada mpoindo haitu naria saito tona, lenjena mpo Ana nu Manusia. Baju nipasuaNa nandoe nakava ri kadaNa, bo bambaraNa nibeve bulava.