Lukas 5:21 - Kaili Ledo

²¹ Nangepe haitu guru agama bo toFarisi ri sia nompekiri, “Isema ntoto tona hitu sampe nabia nompasimbayu karoNa nte Alatala! Ledo ria manusia nompakule mombaampungi dosa manusia, aga Alatala!”

Lukas 5:21 Iomraidhean Croise

Matius 26:65

Nangepe haitu nagigimo rara nu Pakeni nTopanggeni Pesomba sampe nibitesina mboto bajuna. Niulina, “Ia mboto nompakasimbayu karoNa ante Alatala! Niepemiu mboto tesaNa nanjalai Alatala! Domo paraluu sabi-sabi ntanina!

Matius 9:3

Bara sako-ndua guru agama hamai nompekiri riara ntaira, “Nadaa mpuu tona hitu! Ia nompakasimbayu karoNa ante Alatala, apa aga Alatala namala nombaampungi dosa!”

Lukas 3:8

Ane komiu mpuu-mpuu majea, popakitamo ante pokainggu nabelo. Nee rapekirimiu,‘Kita hii muli Nabi Abraham, jadi pehuku nu Alatala ledo rapambela ka kita!’ Haitu muni ledo nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Lukas 5:17

Naria sanggani i Yesus nompaguru bo naria bara sako-ndua toFarisi ante guru agama nonturo ri sia nangepe Ia. Ira lako ri mpengaya-ngaya ngata ri bagia Galilea bo Yudea bo lako ri ngata Yerusalem muni. Alatala nombadekei kuasa ka i Yesus mompakabelo tona nadua.

Lukas 5:22

Nisani i Yesus pekiri nu guru agama bo toFarisi haitu. Jadi niulikaNa ira, “Nakuya komiu nompekiri ivesia riara ntaimiu?

Lukas 7:49

Tona ntanina nonturo nangande nosanggani ante i Yesus nosimpekutana, “Isema ntoto Ia sampe nisarumakaNa Ia namala mombaampungi dosa?”

Yohanes 10:33

Nesana toYahudi, “Ledo poviaMu nabelo sampe Iko rarempe kami vatu. Tapi sabana Iko nompandaente Alatala. Iko aga manusia biasa, tapi Iko nompakasimbayu karoMu ante Alatala!”

Roma 8:33

Isema mabia mompangadu kita anu nipelisi nu Alatala? Ledo ntoto ria! Apa Alatala mboto nanguli kita ledo nasala.