Lukas 4:34 - Kaili Ledo

³⁴ “He, Yesus, toNazaret! RakuyaMiu kami? Komiu nakava mompakaropu kami? Nisaniku isema Komiu. Komiumo ToGasa nitudu nu Alatala!”

Lukas 4:34 Iomraidhean Croise

Matius 8:29

Nongare-ngaremo ira nanguli, “He, Ana nu Alatala! Nakuya tano Komiu tumai? RakuyaMiu kami? RapandasaMiumo kami nau dopa tempona?”

Markus 1:24

<>

Markus 1:34

Bo i Yesus nompakabelo nadea tona anu nadua mpengaya-ngaya, bo nadea seta nipopalaiNa muni. Ledo nidekeiNa seta-seta haitu motesa sabana nisanira Iamo toGasa lako nte Alatala.

Markus 5:7

Namangga mpuu ia nongare, <>

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Lukas 4:33

Riara banua petupu haitu, naria saito langgai nipesua nu seta. Ia nongare ante suara namangga,

Lukas 4:41

NipopalaiNa muni seta lako ri tona nipesua nu seta. Seta-seta haitu nesuvu bo nongare-ngare, “Komiu Ana nu Alatala!” Tapi i Yesus nangulika seta-seta haitu, “Kalino!” Ledo nidekeiNa ira notesa, sabana nisanira Iamo Magau Topepakasalama anu nijanji nu Alatala.

Lukas 8:37

Pade pura-pura tona ri bagia Gerasa haitu nerapi nte i Yesus ante mpuu-mpuu rarara ala rapalaisiNa ngatara haitu, sabana naeka mpuu ira. Jadi i Yesus nesavi sakaya hau manjilimo.

Suro-Suro 16:39

Jadi ira mboto hau nerapi ampu nte i Paulus bo i Silas. Naupu sia, nikenira randua suro haitu hau ri savalikuna, bo niperapira ala gi Paulus mompalaisi ngata haitu

Suro-Suro 2:27

Sabana, ledo rapalambaMiu yaku maboli ri ponturo ntomate. Ledo rapalambaMiu karobataku maboli riara dayo sampe mapopo majadi avu, sabana Yaku batuaMiu nipelisiMiu.

Suro-Suro 3:14

Ia nanoa bo nabelo, tapi nipoaramiu Ia bo nisaravimiu i Pilatus mombakabasaka topepatesi ka komiu.

Suro-Suro 4:27

O Pue, dopa nasae ri ngata hitu, Magau Herodes bo i Pontius Pilatus nasiromu ante toIsrael bo tona ledo nosisani nte Komiu. Patujura mangeva i Yesus, BatuaMiu nagasa, anu nipelisiMiu majadi Magau Topepakasalama.

Ibrani 2:14

Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.

Yakobus 2:19

Komiu nomparasaya aga saito Alatala. Haitu nabelo, tapi seta-seta muni nomparasaya Alatala aga saito bo ira nolete naviora!

1 Yohanes 3:8

Tapi isema-sema batena novia dosa, ia nangoseaka dota Magau nu Seta, sabana Magau nu Seta nadosa mami lako ri lamba pamulana. Patuju kakava Ana nu Alatala ri dunia ala mompakaropu povia Magau nu Seta.

Pompakita 20:2

Nisakana ule naga haitu anu niuli Ule Ntua, atau Topangadu atau Magau nu Seta. Bo ule haitu sanjobu mpaemo kasaena nirantena.

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.