Lukas 4:32 - Kaili Ledo

³² Nokumaa pura ira ri sia nangepe pepatudukiNa, apa Ia notesa mpo tona nakuasa.

Lukas 4:32 Iomraidhean Croise

Markus 1:22

Nokumaa mpuu tona nangepe pepatudukiNa, apa Ia ledo nompaguru mpo guru-guru agama. Ia nompaguru mpo tona nakuasa mpuu.

Lukas 2:47

Pura-pura tona nangepe Ia nokumaa, sabana natau mpuu Ia nesanaka guru agama.

Lukas 4:33

Riara banua petupu haitu, naria saito langgai nipesua nu seta. Ia nongare ante suara namangga,

Lukas 4:36

Nanggita kajadia pangane nokumaa puramo tona ri sia, bo notesamo ira, “Natantu mpuu tesa ntona haitu! Ante kuasaNa nipopalaiNa seta, bo nalai mpuumo!”

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Yohanes 7:46

Nesanamo topojaga Banua nu Alatala haitu, “Dopa naria niepe kami tona notesa mpo Ia.”

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

1 Tesalonika 1:5

Apa tempo kami nompatolele Kareba Belo ka komiu, kami ledo aga notesa bayangi. Kami nompatolele kareba haitu ante kuasa bo petulungi Nosa Gasa nu Alatala, bo kami mboto nomparasaya riara ntai kami tesa haitu mpuu-mpuu nakana. Nipeintamiumo katuvu kami tempo kami nonturo nte komiu. Pura-pura nipovia kami ala manggeni belo ka komiu.

Titus 2:15

Jadi, Titus, patudukikamo pura-pura haitu ka topomparasaya i Kristus. Ulika ira mangoseaka pepatuduki haitu, bo ane ledo raoseakara, onteakamo ira. Nee maeya matamu, apa naria mami kuasamu mompatuduki ira. Nee rapalamba tona mompandaente iko.