Lukas 4:21 - Kaili Ledo

²¹ I Yesus nompamulamo nompatuduki ira. NiuliNa, “Anu nibacaKu pangane, dako nipakadupa eo hitu ante peongaKu.”

Lukas 4:21 Iomraidhean Croise

Matius 13:14

Jadi, pokainggura nompakadupa Tesa nu Alatala anu nipasimbayu Nabi Yesaya nggaulu ivei: ‘Tona gahaitu batena mangepe tapi ledo ntoto rasanira batuana. Ira batena manggita tapi ledo ntoto rasanira nuapa najadi.

Lukas 4:20

Naupu nibacaNa, nitutuiNamo bo nipopanjiliNamo ka topojaga ri sia. Naupu haitu nonturomo Ia bo pura-pura tona riara banua petupu haitu nompeintaka Ia, mangepe anu rauliNa.

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.