Lukas 4:18 - Kaili Ledo

¹⁸ “Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Lukas 4:18 Iomraidhean Croise

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 12:18

‘Siimo BatuaKu nipelisiKu. Iamo anu nipotoveKu bo nipodamba raraKu. Nosa Gasa Kudekei ka Ia Bo Ia mompatolele poparentaKu nanoa ka pura-pura tona.

Matius 12:20

Tava natetilu ledo rapakakotoNa, batuana, Ia nabelo nte tona nalente pomparasayana bo sumbu poindo aga nompida-mpida vayana ledo rapepayaNa; batuana, nalusu raraNa nte tona nau pomparasayana ledo naroo. Ia bate-batena mompasimbuku sampe kanoa nu poparenta nu Alatala majadi ri dunia,

Matius 4:16

Bara ipia komiu nonturo ri kalandana bo dosa, tapi sii-sii nikitamiumo reme nu Alatala. Bara ipia komiu natuvu naeka ka kamatea, tapi sii-sii komiu nivanta nu rememo.” Yesaya 9:1-2

Matius 5:3

“Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Lukas 4:17

Buku Nabi Yesaya nidekei ka Ia. NitimpaNa, nikavaNa bagia hitu pade nibacaNa ivei:

Lukas 6:20

I Yesus nangganoto ana-anaguruNa bo niulikaNa, “Nabelo mpuu komiu tona napakasi, sabana komiumo majadi todea riara Poparenta nu Alatala.

Lukas 7:22

Jadi, nesanamo i Yesus ka tona nitudu i Yohanes, “Panjilimo komiu, bo ulika i Yohanes pura-pura anu nikitamiu bo niepemiu: tona naburo nekitamo, tona napunggu nolipamo, tona nadua oge nabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Yohanes 1:41

Naliu i Andreas nosinggava nte i Yesus, haumo ia nasalisa nangelo sampesuvuna i Simon bo nanguli, “Kami nosinggava nte Mesias!” (Batuana “Magau Topepakasalama anu nijanji nu Alatala”. Riara basa Yunani “Kristus”.)

Yohanes 12:46

Yaku tumai ri dunia mompakareme manusia, ala isema-sema momparasaya Yaku domo monturo ri kalandana.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Suro-Suro 4:26

Magau-magau ri dunia nasiromu nasadia meeva, bo totua-totua ngata nasintuvu mangeva Alatala bo Magau Topepakasalama nipelisiNa.’ Mazmur 2:1-2

Suro-Suro 4:27

O Pue, dopa nasae ri ngata hitu, Magau Herodes bo i Pontius Pilatus nasiromu ante toIsrael bo tona ledo nosisani nte Komiu. Patujura mangeva i Yesus, BatuaMiu nagasa, anu nipelisiMiu majadi Magau Topepakasalama.

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.