Lukas 4:1 - Kaili Ledo

¹ Naupu i Yesus nidiu, Ia nikuasai Nosa Gasa nu Alatala. Ia nompalaisi Binangga Yordan, pade nikeni Nosa Gasa hau ranggarava bai.

Lukas 4:1 Iomraidhean Croise

Matius 3:16

Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Lukas 2:27

I Simeon nipakeni Nosa Gasa nu Alatala mesua ri Banua nu Alatala. Tempona haitu muni, i Yusuf bo i Maria nanggeni i Yesus ala rapoviaka ada niparenta ri Atura agama nipapola Nabi Musa.

Lukas 3:3

Jadi, haumo i Yohanes ri bagia napara Binangga Yordan, nompatolele tesa nu Alatala ka pura-pura tona hamai ivei: “Kajeamo lako ri dosa-dosamiu, bo dekeimo karomiu radiu, ala komiu raampungi nu Alatala.”

Lukas 3:38

Kenan ana i Enos; Enos ana i Set; Set ana i Adam; Adam ana nu Alatala.

Lukas 4:14

Naupu sia i Yesus nikuasai Nosa Gasa bo notinggulimo Ia hau ri bagia Galilea. Tona ri umba-umba ngata hamai notesaki anu nipovia i Yesus.

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

Yohanes 1:32

Bo naria muni tesa i Yohanes ntanina ivei: “Nikitaku Nosa Gasa nu Alatala nanau lako ri langi nolenje mpo tonji banggebodo netuu ri karoNa.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 8:39

Nesore ira lako riara nu uve, Nosa Gasa nu Alatala nangala i Filipus lako ri sia bo domo nikita ntoEtiopia. ToEtiopia haitu nompapola polipana bo nadamba mpuu rarana.