Lukas 3:8 - Kaili Ledo

⁸ Ane komiu mpuu-mpuu majea, popakitamo ante pokainggu nabelo. Nee rapekirimiu,‘Kita hii muli Nabi Abraham, jadi pehuku nu Alatala ledo rapambela ka kita!’ Haitu muni ledo nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Lukas 3:8 Iomraidhean Croise

Matius 21:43

Nanguli muni i Yesus ka ira, “Ivesia muni sanu komiu nompoara Yaku. Jadi Kuuli ka komiu, bagiamiu riara Poparenta nu Alatala raala lako nte komiu bo radekei ka tona ntanina anu mangoseaka dota nu Alatala.

Matius 3:8

Ane mpuu-mpuu komiu najea lako ri dosamiu, popakitamo ante pokainggu nabelo.

Matius 3:9

Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Lukas 13:25

Apa ane rapana, tupu nu banua membangu mombatutui vamba, bo komiu meangga ri savalikuna mombatanede vamba bo manguli, ‘Tua, ungge ka kami vamba!’ tupu nu banua haitu aga mesana ivei: ‘Ledo nisaniku komiu!’

Lukas 13:26

Bo komiu manguli, ‘Kami nangande, nanginu nosanggani-nggani ante komiu, tua. Bo komiu muni nompaguru ri ngata kami bara ipia!’

Lukas 14:9

tupu nu banua anu nombagaga komiu kana manguli ka komiu, ‘Merapi ampu, ponturo hitu nipakasadia ka torata hitu. Komiu kana molinja ri ponturo ntanina.’ ” I Yesus nompapola tesaNa ivei: “Natantu maeya matamiu molinja ri purina.

Lukas 19:40

Tapi nesana i Yesus, “Kuuli ka komiu, ane ledo mokanano ira, natantu vatu-vatu hitu kana mongare mombatoiya Yaku!”

Lukas 19:9

Nangulimo i Yesus, “Eo hitu nipakasalamamo komiu sambanua, sabana komiu nomparasaya Alatala, nasimbayu mpo i Abraham totuamiu nggaulu nomparasaya Alatala.

Lukas 5:21

Nangepe haitu guru agama bo toFarisi ri sia nompekiri, “Isema ntoto tona hitu sampe nabia nompasimbayu karoNa nte Alatala! Ledo ria manusia nompakule mombaampungi dosa manusia, aga Alatala!”

Yohanes 8:33

Nesana pakeni ntoYahudi, “Kami hii muli i Abraham. Dopa sanggania kami nipobatua ntona. Berimba bo niuliMiu kami domo rapobatua?”

Yohanes 8:39

Nesana ira ka i Yesus, “Tuama kami i Abraham.” Nanguli i Yesus, “Ane komiu mpuu-mpuu muli i Abraham, natantumo pokainggumiu mabelo, nasimbayu mpo pokainggu i Abraham.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Roma 4:16

Jadi kita mantarima anu nijanji nu Alatala sabana pomparasayata nggoo, ala malanto anu nidekeiNa haitu nidekeiNa bayangi lako ri kabelo nu raraNa. Jadi, anu nijanji nu Alatala nambela ka pura-pura muli i Abraham, ledo aga ka toYahudi anu nompasimbuku nangoseaka Atura agama, tapi isema-sema nanjarumaka Alatala nasimbayu mpo i Abraham nanjarumaka Alatala. Apa i Abraham rapotuamata mpasinggani, haitumo, ia najadi jonjo pomparasaya ka kita pura-pura.

Roma 9:7

Bo ledo muni pura-pura muli i Abraham nireke mulina mpuu, anu masipato mantarima belo nijanji nu Alatala. Apa Alatala nanguli ka i Abraham ivei: <>

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.