Lukas 3:22 - Kaili Ledo

²² bo Nosa Gasa nolenje mpo tonji banggebodo, netuu nte Ia. Pade naria suara lako ri suruga nanguli, “Ikomo AnaKu nipotoveKu. Ikomo nompakadamba raraKu.”

Lukas 3:22 Iomraidhean Croise

Matius 12:18

‘Siimo BatuaKu nipelisiKu. Iamo anu nipotoveKu bo nipodamba raraKu. Nosa Gasa Kudekei ka Ia Bo Ia mompatolele poparentaKu nanoa ka pura-pura tona.

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 27:43

Ia nanjarumaka Alatala bo niuliNa Iamo Ana nu Alatala! Jadi hitupa rapeintakata ane Alatala madota mompakasalama Ia!”

Matius 3:13

Tempo haitu nakavamo i Yesus lako ri bagia Galilea hau ri Binangga Yordan ala radiu i Yohanes.

Matius 3:16

Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Markus 1:11

Bo naria suara lako ri suruga nanguli, <>

Markus 1:9

Tempo haitu nakavamo i Yesus lako ri ngata Nazaret ri bagia Galilea, bo i Yohanes nombadiu Ia ri Binangga Yordan.

Markus 9:7

Naupu sia, nakavamo kulimu nombabungu ira bo niepera suara lako ri kulimu haitu nanguli, <>

Lukas 2:14

“Ratoiyamo Alatala ri suruga! Bo ri dunia, tona nipokonoa nu Alatala manggava katuvua nabelo!”

Lukas 4:21

I Yesus nompamulamo nompatuduki ira. NiuliNa, “Anu nibacaKu pangane, dako nipakadupa eo hitu ante peongaKu.”

Yohanes 1:32

Bo naria muni tesa i Yohanes ntanina ivei: “Nikitaku Nosa Gasa nu Alatala nanau lako ri langi nolenje mpo tonji banggebodo netuu ri karoNa.

Yohanes 12:28

Jadi nanguli i Yesus ka TuamaNa, “Tata, popakita kaogeMiu ka manusia!” Naupu niuliNa ivesia, nariamo suara lako ri langi nanguli, “NipopakitaKumo kaogeKu bo Kupopakita vai.”

Yohanes 5:37

Bo TuamaKu anu nantudu Yaku, Ia muni nompakalanto isema Yaku. Dopa sanggani niepemiu suaraNa bo dopa muni sanggania nikitamiu lenjeNa.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

1 Petrus 2:4

Jadi pekoumo nte i Yesus! Ia nirapaka vatu natuvu anu nipoara nu manusia sabana nisarumakara ledo ria gunana. Tapi Alatala nompelisi vatu haitu sabana haitu vatu tobelona ri panggitaNa.