Lukas 3:2 - Kaili Ledo

² I Hanas bo i Kayafas najadi Pakeni nTopanggeni Pesomba ntoYahudi. Tempo haitu muni i Yohanes, ana i Zakharia, nonturo ri karava bai. Alatala nangulika i Yohanes mompatolele tesaNa ka todea.

Lukas 3:2 Iomraidhean Croise

Matius 11:7

Nalaipa tona nitudu i Yohanes haitu, nitesaNamo katuvu i Yohanes ka todea. NiuliNa, “Nuapa patujumiu hau ranggarava bai nompeinta i Yohanes bara ipia? Hau manggita tona nonggai rarana eva kavoko niburu mpoiri hau tumai? Natantu ledo ivesia.

Matius 26:3

Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Markus 1:2

Tesa hitu nompamula ante kakava i Yohanes Topediu nangoseaka anu nitulisi ri buku Nabi Yesaya nggaulu. Ante sumba nu nabi, Alatala nanguli ka AnaNa ivei: <> Maleakhi 3:1

Lukas 1:80

Ana i Zakharia haitu, kasae-sae kambaso-mbaso karona bo kanoto-noto rarana. Nambasopa, haumo ia nonturo ranggarava bai, nantongoraka gantana ia mompamula mompatolele tesa nu Alatala ka toYahudi.

Yohanes 1:23

Nesana i Yohanes, “Yakumo hii tona nitesa Nabi Yesaya nggaulu ivei: ‘Naria saito tona nongare-ngare ri karava bai: pakasadia dala ka Tupu!’ ” Yesaya 40:3

Yohanes 18:24

Naupu haitu, i Hanas nantudu tona manggeni i Yesus nitipunggura haitu hau nte i Kayafas anu najadi Pakeni nTopanggeni Pesomba mpae haitu.

Suro-Suro 4:6

Ira nolibu ante Pakeni nTopanggeni Pesomba, iamo i Hanas, bo muni ante sampesuvuna i Kayafas, i Yohanes, i Aleksander, bo sampesuvu-sampesuvuna ntanina.