Lukas 3:18 - Kaili Ledo

¹⁸ Ivesiamo i Yohanes nompatuduki tona bo mpengaya-ngaya pepatuduki nipakena tempo nompatolele Kareba Belo.

Lukas 3:18 Iomraidhean Croise

Lukas 3:17

Ia nasimbayu mpo tona novaro pae. Nasadiamo Ia ante tapi ri paleNa mombavaro pura-pura paena sampe magasa. Pae naisi raboliNa riara gampiri, tapi meena rapalabusiNa ri mata nu apu ledo mapaya-paya.”

Lukas 3:19

Naria sanggani i Yohanes nangonteaka Magau Herodes anu nomparenta ri bagia Galilea, sabana mpengaya-ngaya anu nadaa nipoviana. Nionteakana apa i Herodes nangala i Herodias bo nipobereisina. I Herodias erana mboto, berei ntuakana.

Yohanes 1:15

I Yohanes nompopaisani ka todea isema niuli Tesa nu Alatala haitu. Nongaremo ia, “Hitumo Ia anu niuliku bara ipia. Niuliku kana maria tona makava ri puriku anu naogepa pade yaku. Ia naogepa pade yaku sabana lako ri lamba pamulana dopame yaku nipoanaka naria mamimo Ia.”

Yohanes 1:29

Eo kamailena i Yohanes nanggita i Yesus nakava tumai nanggaparai ia, bo niulina ka tona hamai, “Peintamo! Tumaimo Ana Bimba nipakasadia nu Alatala anu mompakalali dosa manusia!

Yohanes 1:34

Bo i Yohanes nompapola tesana, “Yaku mboto nanggita kajadia haitu bo nombasabiki: Iamo mai Ana nu Alatala!”

Suro-Suro 2:40

Ledo aga ivesia tesa i Petrus, tapi ante nadea tesa-tesa ntanina nipatudukina bo nipaingana todea. Niulikana ira, “Kajeamo bo rapakasalama, ala komiu ledo rapambela pehuku nu Alatala anu rapambela ka tona nadaa ri ngata hitu anu nompatesi i Yesus!”

Suro-Suro 20:2

Riara mpolipana, ia nompesayo ngata-ngata ri Makedonia bo nompakaroso rara ntopomparasaya hamai ante mpengaya-ngaya pepangajari. Naupu haitu, napolamo ia hau ri propinsi Akhaya, tana ntoYunani.

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.