Lukas 3:12 - Kaili Ledo

¹² Naria muni topesingara balasitee nakava mekidiu nte i Yohanes bo nekutana, “Guru, nuapa masipato rapovia kami?”

Lukas 3:12 Iomraidhean Croise

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Lukas 18:13

Tapi topesingara balasitee haitu neangga nakavao nosambaya. Ledo nabia ia nantingoa ri langi. Ia nanjoso rara bo nosapa-sapa bambarana bo nanguli, ‘Alatala, poasimo yaku, apa yaku tona nadosa.’ ”

Lukas 3:10

Pade nekutana todea, “Ane ivesia, nuapa masipato rapovia kami?”

Lukas 3:13

Nesana i Yohanes, “Nee raperapimiu melabi lako ri kadea balasitee nipakatantu pomarentamiu.”

Lukas 7:29

Tempo todea bo topesingara balasitee nangepe i Yesus notesaki i Yohanes, nipokonoramo nia nu Alatala bo ira madota radiu i Yohanes, tandana ira najea lako ri dosara.

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”