Lukas 3:11 - Kaili Ledo

¹¹ Nesana i Yohanes, “Tona rontonga bajuna, kana radekeina santonga ka tona ledo ntoto naria bajuna. Tona nokandea kana radekeina sanu ka roana ledo ria kandeana.”

Lukas 3:11 Iomraidhean Croise

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Lukas 11:41

Dekeimo ka tona napakasi ante belo rara bo ivesiamo pura-pura majadi magasa ka komiu.

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 19:8

Naupu haitu neanggamo i Zakheus ri ngayo ntodea bo nanguli ka i Yesus, “Pue, santanga mbara-mbaraku kudekei ka tona napakasi. Isema-sema nibagiuku, kupopanjili ka ia pata-nggani kadeana.”

Yohanes 13:29

Naria sanu nompekiri i Yesus nombatudu i Yudas hau mangali bara nuapa-nuapa rapakera riara posusa haitu, bara mombadekei doi ka tona napakasi, apa i Yudas topomboliaka doira.

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Suro-Suro 10:31

Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 10:4

Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.

Yakobus 2:14

Sampesuvu-sampesuvuku, nuapa gunana kita nanguli kita nomparasaya Tupu, tano pokaingguta ledo nangoseaka dotaNa? Mamala pomparasaya ivehaitu mompakasalama kita?

1 Yohanes 3:17

Isema-sema nagana katuvuna bo nikitana sampesuvuna napepa, tapi ledo nadota ia mantulungi sampesuvuna haitu, natantumo ledo ntoto nipotovena Alatala.

1 Yohanes 4:20

Isema-sema nanguli ia nompotove Alatala, tano mai navuu matana nanggita sampesuvuna sampomparasaya, ia mai topodava! Ane ia ledo nompotove sampesuvuna anu nikitana, natantumo ledo mamala ia mompotove Alatala anu ledo nikitana.