Lukas 24:52 - Kaili Ledo

⁵² Nantaputumo anaguruNa mombasomba Ia. Naupu sia nanjilimo ira hau ri ngata Yerusalem ante rara nadamba ntoto.

Lukas 24:52 Iomraidhean Croise

Matius 28:17

Hamai nikitara mpuu Ia bo nantaputu ira mombasomba Ia. Tapi naria sanu nonggai rarara.

Matius 28:9

Sampesani nariamo i Yesus nosintomuka ira bo nanguli, “Tabe.” Ira nanggaparai Ia bo nanggapui kadaNa mombasomba Ia.

Lukas 24:51

Da nosambaya, nolanggamo i Yesus lako ri ngayora, bo neore hau ri suruga.

Lukas 24:53

Ira naria njuu ri Banua nu Alatala nombatoiya Alatala.

Yohanes 14:28

Toramo anu niuliKu pangane, Yaku malai, tapi manjili vai tumai nte komiu. Ane mpuu-mpuu komiu mompotove Yaku, madamba mpuu raramiu sabana Yaku hau manjili nte TuamaKu, anu naogepa pade Yaku.

Yohanes 16:22

Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.

Yohanes 16:7

Tapi tesaKu hitu nakana: nabelopa ka komiu ane malai Yaku. Apa ane ledo hau Yaku, Topetulungi ledo makava tumai nte komiu. Tapi ane hau Yaku, Kutudu Ia tumai nte komiu.

Yohanes 20:28

Nanguli i Tomas ka i Yesus, “Tupuku! Alatala nisombaku!”

Suro-Suro 1:12

Naupu haitu, suro-suro i Yesus notinggulimo lako ri Bulu Zaitun bo hau ri ngata Yerusalem. Bulu haitu nitasere sangu kilo kakavaona lako ri Yerusalem.

1 Petrus 1:8

Nau ledo nikitamiu Ia bara ipia, komiu nompotove Ia. Bo nau ledo nikitamiu Ia sii-sii, tapi komiu batena nomparasaya Ia. Bo kadamba raramiu naoge mpuu sampe ledo rapakule mombasovadakana.