Lukas 24:46 - Kaili Ledo

⁴⁶ NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Lukas 24:46 Iomraidhean Croise

Matius 26:24

Yaku, Ana nu Manusia, kana mamate nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa tona haitu ledo nipoanaka ntinana.”

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Lukas 24:7

NiuliNa, ‘Yaku, Ana nu Manusia, kana radekei ka tona nadosa, bo mamate rapaku ri kayu salib, tapi ri eo katataluna Yaku matuvu mpanjili.’ ”

Yohanes 20:9

Sampe eo haitu dopa muni nisanira patuju ntesa nitulisi riara Buku Gasa nggaulu anu nanguli i Yesus kana matuvu mpanjili lako ri kamateNa.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 4:12

I Petrus nompapola tesana, “Aga i Yesus namala mompakasalama manusia, sabana ri njumangu dunia ledo ria saitoa tona ntanina nipakakuasa nu Alatala mompakasalama manusia, aga i Yesus saitoNa.”

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.