Lukas 24:44 - Kaili Ledo

⁴⁴ Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Lukas 24:44 Iomraidhean Croise

Matius 1:22

Haitu pura-pura najadi ala madupa tesa nTupu anu nipasimbayu nabiNa nggaulu ivei:

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 26:54

Tapi ane ivesia, ledo madupa tesa riara Buku Gasa anu nanguli pura-pura hitu kana majadi nte Yaku.”

Matius 26:56

Tapi domo. Kana majadi ivesia mamimo ala madupa tesa nitulisi nabi-nabi nggaulu ri Buku Gasa.” Naupu haitu nipalaika nu anaguruNa puramo Ia.

Markus 9:31

sabana Ia da nompatuduki anaguruNa. NipatudukiNa ira ivei: <>

Lukas 21:22

Tempo haitu tempo pehuku nu Alatala ala madupa pura-pura anu nitulisi ri Buku Gasa.

Lukas 22:37

Sabana, naria anu nitulisi riara Buku Gasa nanguli, ‘Magau Topepakasalama rareke ntona todaa.’ Anu nitulisi haitu mpuu-mpuu majadi ri karoKu. Apa anu nitulisi ri Buku Gasa anu nombatesa Yaku, nipakadupa sii-sii.”

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Lukas 9:22

Yaku, Ana nu Manusia, kana rapandasa bo rapoara ntotua ntoYahudi ante balengga-balengga ntopanggeni pesomba bo guru-guru agama. Yaku rapatesi tapi ri eo katataluna Yaku rapakatuvu mpanjili.”

Lukas 9:44

“Pariaramo tesaKu hitu: Yaku, Ana nu Manusia nitoiya ntona sii-sii, tapi makava tempona Yaku radekei riara kuasa nu manusia.”

Yohanes 3:14

Nabi Musa nggaulu novia sanggayu ule tambaga ri karava bai bo nianggatakana pakalanga ri tinja sambesa ala isema-sema mantingoa ule haitu ledo mamate. Yaku, Ana nu Manusia kana raanggataka pakalanga, nasimbayu mpo ule haitu,

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Yohanes 5:46

Apa ane komiu mpuu-mpuu nomparasaya tesa Nabi Musa, natantumo raparasayamiu muni Yaku, sabana karoKu hitumo anu nitesa Nabi Musa riara buku-bukuna.

Suro-Suro 13:33

haitu nipakadupaNamo ka kita tempo i Yesus nipakatuvuNa mpanjili. Naria nitulisi riara Mazmur karanduana ivei: ‘Ikomo AnaKu, eo hitu Yaku najadi TuamaMu.’ Mazmur 2:7

Suro-Suro 13:40

Haitu sabana komiu kana mainga ala nee majadi nte komiu anu nitulisi nu nabi-nabi ivei:

Suro-Suro 2:27

Sabana, ledo rapalambaMiu yaku maboli ri ponturo ntomate. Ledo rapalambaMiu karobataku maboli riara dayo sampe mapopo majadi avu, sabana Yaku batuaMiu nipelisiMiu.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 7:37

I Musa muni nanguli ka todea toIsrael, ‘Alatala mombadekei ka komiu saito Nabi nasimbayu mpo yaku, rapelisiNa lako nte komiu mboto.’

Ibrani 10:1

Atura-atura agama Yahudi aga gambara. Riara Atura-atura haitu dopa nisanita mpuu kabelo rakavata lako nte i Kristus. Aga vayona nikitata, ledo lenjena mpuu. Mpae-mpae tona nakava nanggeni pesomba nasimbayu rapesomba ka Alatala, nangoseaka Atura-atura haitu. Tapi pesomba-pesomba haitu ledo ntoto nompakule manggeni tona majadi nanoa ri panggita nu Alatala.

Ibrani 3:5

Ane Nabi Musa, ia natutu nokarajaa ka Alatala nantulungi todeaNa, nasimbayu mpo potudua nombatulungi riara banua nu tuana. Pura-pura anu nipovia i Musa nogambara anu rapopaisani nu Alatala ri tempo makava.

Ibrani 7:1

I Melkisedek haitu magau ngata Salem bo topanggeni pesomba ka Alatala anu Nelabi KaogeNa. Tempo i Abraham nanjili lako nombadagi magau-magau ri tana Kanaan, i Melkisedek hau nosinggava nte i Abraham bo nerapi Alatala mombadekei belo ka ia.

Ibrani 9:8

Lako ri atura haitu Nosa Gasa nu Alatala nompopaisani ka kita ivei: ane da naria Tenda pamulana haitu, batuana dopa nibuka dala mesua sampe ri ngayo nu Alatala ri Tombi Nelabi Kagasana.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”