Lukas 24:39 - Kaili Ledo

³⁹ Peintamo paleKu bo peinta muni kadaKu. Yaku mpuumo hii! Tuimo ala rasanimiu Yaku ledo mboa. Apa mboa ledo ria isina bo bukuna. Tapi Yaku hii, naria isiKu bo bukuKu.”

Lukas 24:39 Iomraidhean Croise

Lukas 23:46

Naupu haitu i Yesus nongare ante suara namangga, “Tata, siimo nyawaKu!” Naupu nanguli ivesia, naponjimo nosaNa.

Lukas 24:38

Jadi i Yesus nanguli ka ira, “Nakuya komiu naeka bo nonggai raramiu?

Lukas 24:40

Naupu sia, nipopakitaNa ka ira valea nu paku ri paleNa bo ri kadaNa.

Yohanes 20:20

Naupu i Yesus nombatabe ira ivesia, nipopakitaNamo paleNa bo usuNa ka ira. Nadamba mpuumo rarara nanggita i Yesus.

Yohanes 20:25

Jadi nanguli ana-anaguruNa ntanina ka i Tomas, “Nikita kamimo i Pue!” Tapi nanguli i Tomas, “Ane dopa kukita valea nu paku ri paleNa bo kudika koya-mpaleku ri bela nu paku, bo ane dopa muni kudika paleku ri valea ntavala ri usuNa, dopa kuparasaya.”

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”

1 Tesalonika 5:23

Kuperapi nte Alatala, topombadekei katuvua nabelo ka kita, ala Ia mboto mompakagasa katuvumiu sampe komiu mpuu-mpuu matuvu mpo todeaNa nagasa. Kuperapi Alatala mombajagai karomiu, rara ntaimiu, bo pekirimiu sampe ledo ntoto maria nuapa-nuapa rasalai tempo Tuputa Yesus Kristus makava mpanjili.

Ibrani 12:9

Kapolana, tuamata ri dunia nombaboba bo nompatuduki kita bo kita nombabila ira bo nekou nte ira. Ane ivesia, natantumo kana meliupa pekouta nte Alatala, Tuamata ri suruga ala kita matuvu mabelo.

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.