Lukas 24:27 - Kaili Ledo

²⁷ I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Lukas 24:27 Iomraidhean Croise

Markus 4:34

Ia bate-batena nompake porapa ane notesa ka todea. Tapi ane nosanggani-nggani ante ana-anaguruNa, ledo nipakeNa, bo pura-pura tesaNa nitenteiNa pakalanto ka ira.

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 12:41

Nabi Yesaya nanguli ivesia sabana nisaninamo kaoge anu maria nte i Yesus bo nibotona.

Yohanes 5:37

Bo TuamaKu anu nantudu Yaku, Ia muni nompakalanto isema Yaku. Dopa sanggani niepemiu suaraNa bo dopa muni sanggania nikitamiu lenjeNa.

Yohanes 5:39

Komiu natutu neguru isi Buku Gasa sabana niulimiu riara buku haitu rakavamiu katuvua mabelo sampe ri kasae-saena. Tano isi Buku Gasa haitumo anu nompakalanto isema Yaku.

Suro-Suro 10:43

Pura-pura nabi nggaulu notesa i Yesus. Niulira isema-sema momparasaya i Yesus, dosana raampungi ante kuasa i Yesus.”

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 3:22

Sampesuvu-sampesuvu, naria tesa Nabi Musa nggaulu nombatesa i Yesus ivei: ‘Tupumiu Alatala manganggataka saito lako ri sampesuvumiu mboto majadi nabi nasimbayu mpo yaku. Komiu kana mangoseaka nuapa pura raulina ka komiu.

Suro-Suro 3:24

Nabi-nabi ntanina anu nompasimbayu tesa lako nte Alatala nggaulu, nompamula lako ri Nabi Samuel sampe nabi-nabi natuvu purina, ira pura nombatesa anu najadi ri tempo sii-sii.

Suro-Suro 7:37

I Musa muni nanguli ka todea toIsrael, ‘Alatala mombadekei ka komiu saito Nabi nasimbayu mpo yaku, rapelisiNa lako nte komiu mboto.’

Suro-Suro 8:35

Jadi, i Filipus nompasimbayu Kareba Belo i Yesus ka tona haitu nompamula lako ri tesa-tesa nibacana pangane.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”