Lukas 23:50 - Kaili Ledo

^50-51 Naria langgai nosanga i Yusuf, lako ri ngata Arimatea ri bagia Yudea. Ia tona nabelo bo pokaingguna nanoa. Ia nantongoraka tempona Alatala moparenta mpo Magau. Ia saito lako ri Polibu Mbaso Agama Yahudi tapi ledo nasituju ia ante potangara bo poviara nompatesi i Yesus.

Lukas 23:50 Iomraidhean Croise

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 11:24

I Barnabas haitu tona nabelo rarana, bo nikeniaka Nosa Gasa nu Alatala. Naroso mpuu pomparasayana. Bo nadea tona ri Antiokhia nikenina nomparasaya i Pue Yesus.

Suro-Suro 13:29

Naupu nipandasara i Yesus, evamo nitulisi ri Buku Gasa, karobataNa nitoraka lako ri kayu salib bo niboli riara nu dayo.