Lukas 23:5 - Kaili Ledo

⁵ Tapi aga nantambaipa pebarusura bo nanguli, “PepatudukiNa nompakapane rara ntodea ri njumangu ngata ri bagia Yudea hitu. Ia nompamula nompatuduki ri bagia Galilea, sampe nakava ri sii munimo.”

Lukas 23:5 Iomraidhean Croise

Matius 11:1

Naupupa i Yesus nompatuduki anaguruNa sapulu randua, nalaimo Ia lako ri sia bo hau mompatuduki tona bo mompatolele Kareba Belo ri ngata-ngata napara sia.

Matius 2:1

I Yesus nipoanaka ri ngata Betlehem ri bagia Yudea. Tempo haitu Magau Herodes noparenta. Naupu pompoanaka i Yesus, nakavamo topande nanggita betue. Ira nakava lako ri mpandakena hau ri ngata Yerusalem,

Matius 27:24

Kaupuna nalantomo ka i Pilatus ledo ria gunana mompapola motesa ka ira, sabana ira aga nantambai nongare-ngare, sakidepa majadi kagado. Jadi nialana uve, nitoposina palena ri ngayo ntodea, bo niulina ka ira, “Yaku ledo manjimbuaka sala lako ri kamate ntona nanoa hitu. Komiumo manjimbuakana.”

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Markus 1:14

Naliu i Yohanes Topediu nisuaraka riara ntarunggu, haumo i Yesus ri bagia Galilea mompatolele Kareba Belo lako nte Alatala.

Lukas 11:53

Naupu notesa ivesia nalaimo i Yesus. Nompamula lako ri tempo haitu, nadua mpuu rara nu guru-guru agama bo toFarisi nte Ia. Nipasimbukura mangopa tesa i Yesus ala ratesaNa mpengaya-ngaya,

Lukas 23:23

Tapi ira aga nantambaipa kamanggana pongarera, “I Yesus kana rapaku ri kayu salib!” Kaupuna, padagimo ira, apa ira ledo naupu-upu nongare.

Lukas 23:6

Nangepe haitu, nekutanamo Gubernur Pilatus, “ToGalilea Ia hii?” Nesana tona, “Iyo, toGalilea Ia.”

Yohanes 1:43

Eo kamailena i Yesus nonia hau ri bagia Galilea. Ia nompotomu i Filipus, bo niulikaNa, “Kaimo, oseakamo Yaku.”

Yohanes 19:15

Jadi nongare-ngaremo ira, “Patesimo Ia! Patesimo Ia! Pakumo Ia ri kayu salib!” Nanguli i Pilatus ka ira, “Hm! Pangulimiu masipato kupaku magaumiu ri kayu salib?” Nesanamo balengga-balengga ntopanggeni agama, “Aga Magau Mbaso Kaisar magau kami!”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Yohanes 7:41

Bo naria muni sanu ira nanguli, “Ia hitumo Magau Topepakasalama anu nijanji nu Alatala!” Tapi naria muni sanu tona nanguli, “Ledo! Magau Topepakasalama ledo makava lako ri bagia Galilea!

Yohanes 7:52

Nesana roa-roana toFarisi, “Nakuya nisalikukamiu Ia? Komiu muni toGalilea? Paresamo Buku Gasa pakabelo-belo! Rakitamiu ledo ria saitoa nabi meumba lako ri bagia Galilea!”

Suro-Suro 10:37

Nisanimiu anu najadi ri njumangu tana ntoYahudi. Nompamula ri bagia Galilea, tempo i Yohanes nombadiu tona anu najea lako ri dosa-dosara.

Suro-Suro 23:10

Posinggarau haitu mpuu-mpuu nakanano, sampe tadulako naeka mbelaka raposibitesi ntodea i Paulus. Sia sampe nituduna tantarana mangala i Paulus lako ri tatanga ntodea haitu bo nanggeni ia hau ri asrama tantara.

Suro-Suro 5:33

Nangepe tesa-tesa nu suro-suro, nadua mpuu rara ntoPolibu Mbaso, sampe ira nasintuvu mompatesi suro-suro haitu.

Suro-Suro 7:54

Nangepe tesa i Stefanus pangane, nadua mpuumo rara ntoPolibu Mbaso Agama sampe nanggiki baga pura ira.

Suro-Suro 7:57

Nangepe haitu, toPolibu Mbaso nongare-ngare bo nombaramu talingara ala domo raepera hanupa tesa i Stefanus. Nangova puramo ira hau mombasaka i Stefanus.