Lukas 23:34 - Kaili Ledo

³⁴ Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Lukas 23:34 Iomraidhean Croise

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 11:26

apa ivesiamo dotaMiu.”

Matius 5:44

Tapi Kuuli ka komiu, potovemo balimiu bo posambayaka tona nompandasa komiu.

Markus 15:24

Pade nipakuramo Ia ri kayu salib. Naupu haitu niposibagi-bagiramo pakeaNa ante notende lamoro ala matantu isema rakamalakana.

Lukas 22:42

“Tata, ane rapodotaMiu, lelakasimo peparajea hitu anu rapambela ka Yaku. Tapi nee dotaKu majadi, tapi dotaMiu majadi.”

Yohanes 17:9

Yaku mosambaya ka ira. Ledo pura-pura manusia Kuposambayaka tapi aga ira anu nidekeiMiu ka Yaku, sabana ira haitu mpuu-mpuu todeaMiu.

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Suro-Suro 16:28

Tapi i Paulus nongare ante suara namangga, “Nee mupatesi karomu! Da naria pura kami ri sii!”

Suro-Suro 3:17

Sampesuvu-sampesuvu, nau komiu bo totua-totua ngatata nompatesi i Yesus, nisaniku komiu novia anu haitu sabana ledo nisanimiu Iamo Magau Topepakasalama.

Suro-Suro 7:60

Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

Roma 12:14

Ane maria tona mompandasa komiu, nee ratundamiu ia tapi perapi Alatala mombadekei belo ka ia.

1 Korintus 2:8

Ledo ria saitoa topoparenta ri dunia nadaa hitu nangisani patuju nu Alatala haitu. Apa ane rapana nisanira patujuNa haitu, natantumo ledo rapakura ri kayu salib i Pue anu nakuasa.

1 Korintus 4:12

Kami nokarajaa ntamo ante pale kami mboto nangelo katuvua. Ane nipindasi ntona kami, kami nerapi Alatala mombadekei belo ka tona haitu. Ane nipandasa ntona kami, kami bate-batena nosabara.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.