Lukas 23:31 - Kaili Ledo

³¹ Sabana, ane rapoviara ivesia sii-sii nte kayu mata evamo Yaku tonoa, berimba muni rapoviara ngena nte kayu ngau evamo komiu totenggo? Tantu mandasa ntotopa komiu ngena!”

Lukas 23:31 Iomraidhean Croise

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Lukas 23:30

Tempo haitu rauli ntona ka bulu, ‘Rumpimo kami!’ bo raulira ka buntina, ‘ivumo kami!’ Mandasa mpuu komiu ngena!

Lukas 23:32

Tempo haitu nikenira muni randua tona rapatesi sanggani nte i Yesus. Tona randua haitu nadaa mami.

Yohanes 15:6

Tona ledo naroo nosangu rara nte Yaku kana ratedeaka nasimbayu mpo tinggu nu valaa ratedeaka sampe mangau. Tinggu-tinggu nangau haitu aga rapasiromu ratedeaka ri mata nu apu bo rapalabu.

Ibrani 6:8

Tapi ane tana haitu aga mompakatuvu jono bo karui, ledo ntoto ria gunana. Tana haitu domo masae rapindasi nu Alatala. Bo kaupuna tana haitu rapalabu pakaupu.

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.