Lukas 23:25 - Kaili Ledo

²⁵ bo nikabasakana ka ira tona niperapira, haitumo i Barabas, anu nitarunggu sabana nangeva pomarenta bo nepatesi. Bo i Yesus nidekeina ka tantara Roma mompatesina nangoseaka dota nu pakeni ntoYahudi.

Lukas 23:25 Iomraidhean Croise

Matius 27:26

Naupu haitu i Pilatus nombakabasaka i Barabas ka ira. Bo nituduna tantarana mombacambu i Yesus bo mombapaku Ia ri kayu salib.

Markus 15:15

I Pilatus madota mompakasana rara ntodea. Jadi nikabasakanamo i Barabas ka ira, bo nitudunamo tantarana mombacambu i Yesus, pade nidekeinamo i Yesus rapatesi rapaku ri kayu salib.

Lukas 23:2

Ri sia ira nombarai Ia. Niulikara i Pilatus, “Tona hitu nikava kami nompatuduki tona mangeva pomarenta. NitagiNa tona mombayari balasitee ka Magau Mbaso Kaisar, bo niuliNa Iamo i Kristus, saito Magau.”

Lukas 23:24

Jadi kaupuna i Pilatus nombabotusi bo nompoiyo perapi ntodea,

Lukas 23:26

Naupu haitu nikenira i Yesus hau rapatesira. Ri tatanga dala, nipotomuramo saito toKirene nosanga i Simon. Ia dako nakava ri kota Yerusalem. Nipopetaara ia bo nibarusura manjimbuaka kayu salib i Yesus ri puriNa.

Lukas 23:5

Tapi aga nantambaipa pebarusura bo nanguli, “PepatudukiNa nompakapane rara ntodea ri njumangu ngata ri bagia Yudea hitu. Ia nompamula nompatuduki ri bagia Galilea, sampe nakava ri sii munimo.”

Yohanes 18:40

Tapi nongaremo ira ante suara namangga, “Nee! Nemo Ia rakabasaka! Agina i Barabas rakabasaka ka kami!” I Barabas mai topeago.

Yohanes 19:16

Kaupuna nidagi i Pilatus, bo nidekeina i Yesus ka ira ala Ia rapatesi ri kayu salib. Nialaramo i Yesus bo nikeni ntantara-tantara hau ri savalikuna.

Suro-Suro 3:14

Ia nanoa bo nabelo, tapi nipoaramiu Ia bo nisaravimiu i Pilatus mombakabasaka topepatesi ka komiu.