Lukas 22:63 - Kaili Ledo

⁶³ Tona nombajaga i Yesus nompongei-ngeika Ia bo nibobara.

Lukas 22:63 Iomraidhean Croise

Lukas 22:62

Pade nesuvumo i Petrus hau ri savalikuna bo notumangi natesumonde-monde.

Yohanes 18:19

Tempo haitu nompamulamo i Hanas, Pakeni nTopanggeni Pesomba bara ipia nompekutana i Yesus, “Isema pura anaguruMiu, bo nuapa pura nipatudukiMiu ka ira?”

Yohanes 18:22

Tempo i Yesus notesa ivesia, naria saito topojaga Banua nu Alatala neangga napara i Yesus. Nisapana lenje i Yesus, bo niulina, “Ledo nabelo Iko nesana ivesia ka Pakeni nTopanggeni Pesomba!”

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

1 Petrus 2:23

Tempo Ia nisalai ntona, ledo nibalasiNa. Tempo Ia nipandasa, Ia ledo nesava. Tapi Ia aga nanjarumaka Alatala, Topotangara nanoa anu manjaliku Ia.