Lukas 22:5 - Kaili Ledo

⁵ Nadamba mpuu rarara nangepe anu niuli i Yudas bo ira nojanji mombadekei doi ka ia.

Lukas 22:5 Iomraidhean Croise

Lukas 22:4

Naupu nipesua nu Magau Seta, hau ia nosinggava nte balengga-balengga ntopanggeni pesomba bo pakeni ntopojaga Banua nu Alatala, motesaka berimba rapobaluna i Yesus ka ira.

Lukas 22:6

Nadotamo i Yudas. Jadi, hau ia mangelo loga mompobalu i Yesus ka ira tempo ledo ria todea.

Suro-Suro 1:18

(I Yudas haitu nangali salimpu tana ante doi nikavana tempo ia nompobalu i Yesus. Ri tana haitu ia nanavu bo namate. Taina nasemparaka sampe isi rarana nesuvu ri savalikuna.

Suro-Suro 8:20

Tapi nesana i Petrus, “Masurukavu mpuu iko bo doimu! Nisarumakamu kabaraka nidekei nu Alatala mamala raali ante doi?

2 Petrus 2:15

Nipalaisiramo dala nakana bo nasalandalamo ira. Nipasialara pokainggu i Bileam ana i Beor nggaulu. Ia aga naino ka doi rakavana lako ri poviana nadaa.

2 Petrus 2:3

Guru-guru mpodava haitu nadoko doi. Haitu sampe ira aga mangelo untu lako nte komiu ante tesa-tesa ledo nakana, anu nikarara mboto. Tapi pehuku ka ira nasaemo nipakatantu. Ira rahuku nu Alatala bo tempona ledo rasoro-soro.

Yudas 1:11

Mandasa mpuu ira! Nipasialara katuvu i Kain nggaulu anu nasiriati bo navuu matana nte tueina. Nipasialara ntoto sala i Bileam anu nasadia movia nuapa-nuapa asaa manggava doi. Bo pangevara Alatala nasimbayu mpo peeva i Korah nggaulu, sampe ira muni masipato rahuku nu Alatala.