Lukas 22:43 - Kaili Ledo

⁴³ [Pade nakavamo saito malaeka lako ri suruga mompakaroso raraNa.

Lukas 22:43 Iomraidhean Croise

Matius 26:53

Nisarumakamiu ledo mamala Yaku merapi tulungi nte TuamaKu Alatala? Ane mekitulungi Yaku, masalisa ratuduNa melabi sapulu randua lunu malaekaNa mantulungi Yaku!

Matius 4:11

Naliu haitu, nalaimo Magau nu Seta lako nte i Yesus, bo nakavamo malaeka-malaeka nTupu mompatala Ia.

Matius 4:6

Bo niulina ka i Yesus, “Ane Komiu mpuu Ana nu Alatala, potingganavumo Komiu lako rahitu hau ri tana. Ledo makuya Komiu sabana riara Buku Gasa nitulisi ivei: ‘Alatala mombatudu malaekaNa mombasaliku Komiu. Ratandera mpale Komiu ala nau kadaMiu ledo mambela vatu.’ ” Mazmur 91:11-12

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Suro-Suro 18:23

Bara sakuya kasaena ia nonturo ri Antiokhia, pade hau vaimo ia ri bagia Galatia bo Frigia ala mompakaroso pomparasaya ntopangoseaka i Yesus.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Ibrani 1:6

Bo tempo Alatala nombatudu Ana lumbuaNa makava ri dunia hitu, niuliNa muni ivei: “Pura-pura malaeka kana mombasomba AnaKu.” Mazmur 97:7

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.