Lukas 22:4 - Kaili Ledo

⁴ Naupu nipesua nu Magau Seta, hau ia nosinggava nte balengga-balengga ntopanggeni pesomba bo pakeni ntopojaga Banua nu Alatala, motesaka berimba rapobaluna i Yesus ka ira.

Lukas 22:4 Iomraidhean Croise

Matius 26:14

Naupu haitu, i Yudas, saito lako ri sapulu randua anaguru i Yesus, hau nte balengga-balengga ntopanggeni pesomba

Lukas 22:5

Nadamba mpuu rarara nangepe anu niuli i Yudas bo ira nojanji mombadekei doi ka ia.

Lukas 22:52

Pade niulikaNa balengga-balengga ntopanggeni pesomba, pakeni-pakeni topojaga Banua nu Alatala, bo totua-totua ngata nakava ri sia mombasaka Ia, niuliNa: “Yaku hii ledo topeago sampe komiu kana makava ante guma bo pato mosaka Yaku!

Suro-Suro 4:1

Tempo i Petrus bo i Yohanes da notesa ka todea riara Banua nu Alatala, nakava bara sako-ndua topanggeni pesomba, pakeni ntopojaga Banua nu Alatala, bo toSaduki.

Suro-Suro 5:24

Nangepe tesa haitu, pakeni ntopojaga Banua nu Alatala bo balengga-balengga ntopanggeni pesomba, naingu mpuu rarara nompekirika anu najadi ante suro-suro, bo naeka nompekirika anu majadi ngena.

Suro-Suro 5:26

Nangepe tesa haitu, pakeni ntopojaga Banua nu Alatala ante pura-pura roana hau nialara mpanjili suro-suro. Tapi ledo niduasira, apa naeka ira ka todea. Niulira bara rarempe ntodea ante vatu ira ane raduasira suro-suro.